هنا الزاهد تكشف علاقتها بـ ”فهمي” بعد الانفصال

كشفت الفنانة هنا الزاهد عن طبيعة علاقتها بالفنان أحمد فهمي بعد انفصالهم، مشيرة إلى إنهم أصبحوا أصدقاء مهنة واحدة، وإنها تكن له كل الاحترام، وذلك خلال تصريحات إذاعية.

علاقتها بـ"فهمي"

وأعربت "هنا" قائلة: "مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة 5 سنين وهو شخص محترم جدًا، ومفيش أي ضغينة".

تابعت: "ومش شايله هم أشوفه وشوفنا بعض في جوي أوردز، وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أي حد تبعه أو هو بحط إيدي في عينه".

أضافت: "الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب".

اقرأ أيضا: في 2023 .. هنا الزاهد في حالة من النشاط الفني بـ 3 أعمال جديدة