تعليق مفاجئ من بسمة بوسيل بعد ظهورها مع طليقها تامر حسني

حرصت المطربة بسمة بوسيل، التعليق على الشائعات التي لاحقتها، بعد تكرار ظهورها مع الفنان تامر حسني، رغم طلاقهما، وذلك من خلال لقاء لها ببرنامج "et بالعربي".

وقالت بسمة بوسيل: "المناسبات وأول يوم في رمضان طبعا دا يوم كبير عندنا لازم نتجمع وولادنا يحسوا بالدفا عشان احنا حتى لو اتطلقنا أحنا لسه بنحافظ على ولادنا لأنهم ملهمش ذنب في اختياراتنا، وأهم حاجة عندنا الصحة النفسية بتاعت ولادنا".

وتابعت: "وأحنا مش بنمثل، أحنا فعلا اليوم دا كنا مبسوطين وعيلة متجمعة وعاملين أكل وبنشوف كل واحد عايز إيه، واحنا رغم الطلاق الحياة في البيت عند تامر زي البيت عندي، وأنا أروح زي ما أنا عايزة، وهو بيجي وقت ما هو عايز".

وتابعت بسمة بوسيل: "ربنا كتب علينا دا بس مش عايزين نخلي ولادنا ضحية، أنا وتامر بنحاول دايما إننا نحافظ على أن في بينا حب لولادنا ولبعض ويكون في احترام لبعض، ودايما العيلة بالنسبالنا هي رقم واحد ودا مش تمثيل، وتامر سباق أكتر مني كمان فدي حاجة كويسة وبحس أني محظوظة بيه، وهو أب كويس وبيعشق ولاده".

اقرأ أيضا: بسمة بوسيل تطرح أول أغانيها بعد انفصالها عن تامر حسني