«كنت بتعرض للتنمر وأنا صغيرة».. ساندي تكشف أسرارا عن حياتها (فيديو)
تحدثت المطربة ساندي في تصريحات تليفزيونية لها، عن فترة طفولتها وتعرضها للتنمر، إلى جانب حديثها عن فترة الإكتئاب التي مرت بها في حياتها وعن رأيها في الزواج.
وفي السطور التالية نرصد لكم أبرز تصريحات ساندي التلفزيونية.
- وأنا صغيرة كنت بتعرض للتنمر في المدرسة.. في إعدادي كانوا بيشيلوني زى البيبي من كتر ما كنت صغيرة ولحد دلوقتي بعاني من الموضوع ده.
- بعد الولادة رحت لدكتورة نفسية وقولتلها مش قادرة اتحكم في أعصابي وبعيط على طول.. ادتني أدوية وطلعت من عندها وأنا عندي مشاكل متضاربة.
- تجربتي مع الدكتورة النفسية كانت سيئة جدًا، وبعد ما خرجت من عندها بدأت اقرأ عشان أبقى فاهمة.
اقرأ أيضًا: نورهان عن دورها في «جروب الماميز»: استمتعت جدا واحتسب أجري عند الله
- فترة الاكتئاب علمتني إن مينفعش احتاج لحد.. ومينفعش البني آدم يبقى عايز كل حاجة كويسة.
- بالنسبة لي الجواز محتاج وقت.. ومحتاجة قت كبير عشان أقدر أخد القرار تاني.
- مش ندمانة على أى علاقة كنت فيها.. وصعب انتقم من حد أذاني.
- خلال السنة دي اتغير فيا حاجات كتير زى التسرع والعصبية والخوف والعطاء الزائد عن اللزوم.
- بحاول أعمل توازن بين بيتي وشغلي وإني أكون أم ناجحة.. وخليت إبني طفل مؤدب وحنين وذكي.
- دايما بشوف نفسي مكافحة وعمري ما بيأس.. وبشكر نفسي دايمًا إنها استحملتني.
- المشكلة مش في الستات ولا في الرجالة.. المشكلة بتبقى جوانا وإحنا بنعكسها على حياتنا الشخصية.
اقرأ أيضًا: آخرهم فيلم مع تامر حسني.. مي عمر تسيطر على السينما والتليفزيون بأعمال جديدة
آخر أعمال المطربة ساندي
يذكر أن آخر أغنيات المطربة ساندي، أغنية "الحالة الحالة" التي تم طرحها منذ ثلاثة أشهر عبر القناة الخاصة بساندي على موقع الفيديوهات "يوتيوب"، والأغنية من كلمات ألحان وكلمات عزيز الشافعي، والتوزيع الموسيقي والميكس والماستر لأسامة الهندي، وحققت الأغنية أكثر من مليون نسبة مشاهدة منذ طرحها على موقع "يوتيوب".
اقرأ أيضًا: نجلاء بدر: «برفض مصطلح السينما النظيفة ومعنديش خطوط حمراء»