نجلاء بدر: «برفض مصطلح السينما النظيفة ومعنديش خطوط حمراء»
أعربت الفنانة نجلاء بدر عن رفضها لمصطلح السينما النظيفة، مؤكدة أنها ليس لديها أي محظورات في الفن، كما تحدثت عن أزمة فستانها الشهير الذي أكدت أنها مقتنعة به حتى الآن.
وقالت نجلاء بدر في تصريحات تليفزيونية لها: "أنا معنديش خطوط حمراء في اختيار الأدوار وبرفض مصطلح السينما النظيفة لأن الفن ملوش تصنيف، سواء في سينما أو الأغاني أو الدراما وحتى رسم، وهل معنى كدا اللي يرسم لوحة أو يعمل تمثال نكسر التماثيل اللي في إيطاليا أو التماثيل الفرعونية؟ الفن مجرد من التسميات".
اقرأ أيضًا: الليلة.. بدء عرض حكاية «مهلة أخيرة» من مسلسل في كل أسبوع حكاية
نجلاء بدر: معنديش محظورات في الأدوار
وأضافت: "معنديش محظورات في الأدوار، ولو في مشهد معملوش تبقى الشخصية دي مش بتاعتي، أنا عندي طاقة إني أعمل الشخصية دي هعملها ولو حسيت إني مش هقدر أعملها كويس يبقى بلاش، والفن إن الشخصية هى اللي تفرض نفسها مش أنا، والفن أفقه واسعة أكتر من اللي الناس شيفاه، ورسالته أنه يسليك ويحكيلك حدوتة حلوة أو درامية".
نجلاء بدر عن أزمة فستانها الشهير
وانتقلت بالحديث إلى فستانها الشهير الذي أحدث ضجة في مهرجان الجونة، قائلة: "الفستان اللي الناس انتقدته، أنا لحد دلوقتي راضية عنه ومقتنعة بيه، ومفكرتش في التريند لما لبسته، ودلوقتي نزل في الأسواق وبيتطلب بره وبيتباع في وسط البلد وبقى باسمي واتبسطت بده، مكنتش متوقعة إنه هيعمل الضجة دي كلها، وأنا طالما عملت حاجة مقتنعة بيها يبقى خلاص، في فساتين بشوفها وبقول لا ملبسهاش، ومش عشان خطوط حمراء ولا حاجة بس هى مبتبقاش شكلي ومش شبهي، أنا بختار الفستان اللي يخليني أجمل".
اقرأ أيضًا: للمرة الثانية مي عمر بطلة أمام تامر حسني في «تاج»
آخر أعمال نجلاء بدر
يشار إلى أن آخر أعمال الفنانة نجلاء بدر، حكاية "روليت" من مسلسل "في كل أسبوع حكاية"، وشاركها البطولة الفنان نضال الشافعي، دعاء حكم، أحمد يونس، إنجي شرف، أحمد باسم، ومن إخراج معتز حسام، والتأليف مصطفى جمال هاشم، وتكونت الحكاية من 5 حلقات فقط، حول العديد من المشاكل الزوجية.
اقرأ أيضًا: إيرادات الأفلام السينمائية الجمعة رامز جلال يتفوق على هنيدي
