يسرا: ”والدي جري ورايا بالسكينة وضربني بالقلم بسبب بوسة حسين فهمي”

كشفت الفنانة يسرا خلال لقائها في برنامج "الدنيا علمتني" المذاع عبر فضائية mbc،عن أكتر شئ تعلمته وجعلها تغير وجهة نظرها في الحياة

وقالت يسرا خلال لقائها "الدنيا علمتني حاجات كتير من ضمنها إن مرات الواحد الدنيا بتاخده لرحلة طويلة وبينسى النعم سواء أهل أو رزق أو نجاح أو صحة، مضيفة "مرة حصلي موقف و خلاني أغير وجهة نظري في كل حاجة في بداية مشواري".

وتابعت يسرا "والدي كان رافض إني أكون فنانة وجري ورايا بسكينة واتخانقت معاه خناقة عريضة "مضيفة "كان عندي مشهد "بوسة " في فيلم اسمه "الف بوسة وبوسة" ووالدي كان بيجي معايا التصوير، ولازم يكون فيها بوسة على الاقل وطبعا أبويا كان هيرفض والمخرج محمد عبد العزيز قالي هنا هتقولي لحسين فهمي حبيبي يقولك قلبي روحي عقلي وبوسة".

وتابعت يسرا اتفقت مع المخرج إنه يتخانق معايا ويهددني أدفع 100 الف جنيه لو معملتش المشهد وطبعا بابا مكانش معاه المبلغ ده ".

وأضافت يسرا "بعد ماخلصت المشهد أبويا ضربني بالقلم على وشي، وده علمني طالما قررت أخد شغل لازم أحبه وأحترمه وأنجح فيه علشان أثبت للعالم ولأبويا خاصة إن الفن ليه قيمة كبيرة وشئ راقي وإني دخلت عالم الفن مش علشان فلوس ولا شهرة"، مضيفة "لازم يكون في أسود وأبيض في الحياة الأسود عاوزينك تتحشاه علشان تشوف نتيجته ايه وده إحنا بنقدمه في الفن".