بعد نشر تفاصيل صادمة عن زواجهما.. تعرف على القصة الكاملة لأزمة خالد عليش وطليقته ميما الشامي

دخل عدد من نجوم الفن مؤخرًا في عدة أزمات أثارت الجدل، فلم يتم الانتهاء من أزمة ياسمين عبدالعزيز بسبب هجوم شقيقها وائل عبدالعزيز عليها بعد علاقتها بالفنان أحمد العوضي، حتى اشتعلت أزمة خالد عليش بعد فضح طليقته له.

ووجدت فضائح النجوم طريقها لمواقع السوشيال ميديا والتواصل الاجتماعي، حيث نشرت الممثلة ميما الشامي طليقة المذيع خالد عليش رسالة طويلة تهاجم فيها زوجها، وكتبت عبر حسابها بموقع "فيسبوك": "هو 4000 جنيه في الشهر يكفى بنت في مدرسة انترناشونال، في حين إن باباها بيقبض 75000 جنيه".

وأضافت ميما طليقة خالد عليش: "ده غير الإعلانات والايفنتات وإعلانات السوشيال ميديا وطبعا أنا إللي كنت بتفق عالفلوس دي، فعارفة من سنة هو كان بياخد كام، وهو إللي أهاني وضربني وكنت أنا إللي بعتذر عشان هو محترم ومؤدب مع كل الناس إلا أنا".

واستكملت: "واخد فلوسي الراجل مش معترض على فلوسي ومعترف بيها بس مش عايز يدهاني غير لما أوافق على شروطه ولا ألجأ للقضاء".

ونشرت "ميما" بعدها رسالة أخرى كتبت فيها: "والنبي الناس إللي بتكلمني عشان أشيل البوست، أنتم ماتعرفوش أنا مستحملة ايه أنا وبنتي، وماتعرفوش أنا عملت مع الراجل ده إيه، وماتعرفوش أنا ساكتة بقالي قد إيه، وماتعرفوش أنا ببيع ايه عشان بنتي، لأن آخر 8000 جنيه، كانوا معايا هو أخدهم، وماتعرفوش أنا اتهنت ازاي منه ومن أهله ومن صحباته البنات".

وأضافت "ميما" طليقة خالد عليش: "فالبوست ده آخر حل عندي لأن ماكنتش عايزة أعمل كده مش عشاني ولا عشانه، احنا بينا ربنا وهيحكم بينا، بس بنتي مكانتش تستاهل كدة، فسامحيني يا ميما بس غصب عني، وميما الحمد لله فهمت كل حاجة بدري، لأنها شافت آخر موقف قدام عنيها".

وتابعت ميما الشامي: "معايا صور لكل اللي كتبته ودلائل عليه، بس مش هعمل كدة عشان أنا اتربيت ان مفضحش حد كان فيه بيني وبينه عيش وملح، أنا كتبت الكلام دة لأن مش قدامي حل وزهقت من كتر التمثيل اني أنا اللي قوية وتمام وهو محترم ربنا يباركله في كل فلوس وأملاكه اللي كان ليشتريها وأنا كنت يتكدر في الفلوس عشانه هو بس أنا مش عايزة غير حق بنتي الصغيرة ومش هتنازل عنه".

ونشرت ميما رسالة أخيرة عبر حسابها كتبت فيها "للناس اللي مغالطاني إني نشرت حياتي الشخصية وكان مفروض أسكت ودي أسرار بينا، صدقوني أنا مش مبسوطة خالص إن عملت كدة في حد كان أهم حد في حياتي، للأسف ضاقت بيا كل السبل ومليش غير الدعاء إن ربنا يهديه ويفوق، ولا هقولكو على كسرة قلب أمي عليا وعلى بنتي واحنا كلنا مش فاهمين ايه غلطتي أنا عملت إيه لكل ده".

اقرأ أيضًا: ”مش قادر أعيش بالمنظر ده”.. وائل عبد العزيز يكشف أسباب رسالة الهجوم على شقيقته ”ياسمين” (فيديو)

وكان خالد عليش قد عقد قرانه على ميما الشامي في ديسمبر 2013، وأنجب منها ابنة واحدة، وانفصل الثنائي في نهاية العام الماضي، بعد زواج 6 سنوات، وشاركت ميما بأدوار صغيرة في بعض المسلسلات، كان آخرها مسلسل "أبوالعروسة"، عام 2018.