نهى العمروسي: «أسعد لحظة في الزواج هي الطلاق».. فيديو

حلت الفنانة نهى العمروسي ضيفة في برنامج "كلام الناس" الذي تقدمه الإعلامية ياسمين عز، المذاع على قناة "إم بي سي مصر" الفضائية، لكشف العديد من التفاصيل والأسرار لأول مرة.

وأكدت نهى العمروسي أن أسعد لحظات في حياتها هي الطلاق، خاصة في مجتمعاتنا الشرقية؛ لأن عندنا ذكورية زيادة عن اللزوم، وحقوق الراجل مفروغ منها، أكتر من الست، والست بتتظلم؛ لأن الراجل مهما كان بيحب مراته، بيعرف عليها واحدة واتنين، فالمنظومة دي فاشلة، لأن ده بيقلل من قيمة المرأة.

وأشارت نهى إلى: "حتى في الدراما، لما الراجل بيكلِّم مراته؛ بيقول: الحكومة بتكلمني، والضرب والإهانة، لذا فالمجتمع به مشكلة في العلاقات الزوجية، وفي حلقات أو حُفَر بتودي في داهية، مفيش احترام وصدق متبادل، فالكذاب جبان؛ لأنه خايف يقول الحقيقة، ومش بقول إن الست هايلة، لكن في مشكلة العلاقات الزوجية، قبل الزواج.

وأضافت نهى العمروسي: "كل واحد بيقدم الحلو، وأول ما بيتجوزا، ما حدش بيهتم، فيه خلل ما بيحصل، خصوصا في المجتمعات الشرقية، ومش بقول إن الغربيين ملايكة، لكن لما بيخونوا، بيقولوا، وهما حرين، يسامحوا بعض أو لأ، أسعد لحظة في الجواز هي الطلاق، دي حكمة مني في مجتمعنا".

اقرأ أيضًا.. عبد الرحمن أبو زهرة: «أنا زملكاوي بس بتكسف أقول» (فيديو)