”47 خبر ضدي في ساعتين”.. ريهام سعيد تخرج عن صمتها بعد الهجوم عليها مجددا
أعربت الإعلامية ريهام سعيد عن استيائها الشديد بسبب الهجوم عليها من جديد، بعدما أثارت الجدل بحديثها عن الفنانة شيماء سيف وإنجي وجدان خلال حلقة بث مباشر لها عبر "يويتوب" قائلة: "لو خسوا مش هيلاقوا شغل"، لتفتح قضية إساءتها للسمنة مجددًا.
ووجهت ريهام سعيد رسالة إلى جمهورها عبر حسابها الخاص بموقع "إنستجرام"، حيث كتبت "أشوفكوا علي خير ورمضان كريم وكل سنه وإنتوا طيبين ربنا يرفع هذا البلاء يا رب، يا رب الضماير تصحي والظلم يزول وينتصر الحق والصح".
وأضافت: "الآيه انقلبت في كل حاجة، يأتي على الناسِ سنوات خداعات، يصدق فيها الكاذب، ويكذب فيها الصادق، ويؤتمن فيها الخائن، ويخون الأمين، وينطق فيها الروبيض، قيل: وما الروبيضة ؟ قال: الرجل التافه يتكلم في أمر العامة".
وتابعت ريهام: "التربص الغير مبرر لي ولتصريحاتي وتحويرها بيأكد لي إن في حاجة مش طبيعية ومالهاش دعوه بانا بغلط أو لا، إمبارح ٤٧ خبر في ساعتين كلهم ضدي وبيعملوا علي تشويه صورتي، هل ده طبيعي؟ أنا منهزمتش ولا اتكسرت انا قررت إلجاء فقط لله سبحانه وتعالي مش هامشي افهم كل واحد إني مقلتش ومعملتش وان دي حملات ضدي".
واختتمت حديثها: "كنت مصممه اخدم الناس ويبقي وجودي في الدنيا ليه فايده بس خلاص تعبت وأفضل كتير وابرك اخلي بالي من نفسي الي ياما انا بهدلتها معايه عشان متمسكه اني أقول الحق . توبوا الي الله مفيش وقت".
كما نشرت ريهام سعيد مقطع فيديو لمرض السمنة خلال إحدى حلقات برنامجها الموقوف وهم يتحدثن عن معاناتهن من السمنة، موضحين أنهم "ميتين" وعلقت على الفيديو كاتبة: "مش أنا اللي قلت هما اللي قالوا كنت بردد كلامهم بعد ما ده اتذاع".
اقرأ أيضًا: بعد عملية القلب.. تعرف على تطورات الحالة الصحية لـ هالة فاخر
وأضافت: "حسبي الله ونعم الوكيل دي اخر مره هافتح الموضوع ده او هاسمح لحد يقول اني غلطانه لانكوا مش فاهمين الظلم الي ظلمتوه للناس دي مش مهم الظلم اللي أنا اتظلمته بس بجد حاجه تحزن يا أيها الذين آمنوا إن جاءكم فاسق بنبأ فتبينوا أن تصيبوا بجهالة بجهالة فتصبحوا على ما فعلتم نادمين".
