مع انتهاء تصوير ونحب تاني ليه.. كريم فهمي يوجه رسالة إلى ياسمين عبد العزيز
مع انتهاء تصوير مسلسل "ونحب تاني ليه" بطولة الفنانة ياسمين عبد العزيز، أعرب الفنان كريم فهمي عن سعادته الشديدة للمشاركة في العمل، ووجه رسالة إلى كل فريق العمل، حيث نشر كريم فهمي عبر حسابه الخاص على موقع تبادل الصور والفيديوهات "إنستجرام" صورة لبوستر المسلسل.
كريم فهمي يوجه رسالة إلى ياسمين عبد العزيز
كتب على الصورة معلقًا: "حقيقي أنا بحب المسلسل ده ومع آخر يوم أحب أشكر كل حد اشتغلت معاه من جميع الأقسام وكل الممثلين علي رأسهم ياسمين عبد العزيز أختي وصديقتي الجدعة اللي مهما اتكلمت عليها مش هوفيها حقها".
وأضاف: "والأستاذ شريف منير اللي كان ليا الشرف أني أقف قدامه وهو قيمة كبيره جدا وكل الممثلين بجد أنا حبيتهم جدا جدا وشكرا عمرو محمود ياسين صاحبي المؤلف الشاطر أوي اللي بيحب شغله وسبب أساسي في نجاح العمل والمخرج طبعا مصطفي فكري الشاطر اللي مريحنا نفسيا وإحنا قدام الكاميرا".
وواصل: "ومدير التصوير العالمي أخويا زيتون تسلم إيدك ومهندس الديكور تامر والمونتير الجامد أوي عمرو عاصم وطبعا دنيا عبد المعبود الاستايلست الجامده أوي ومهندس الصوت محمد وطبعا طبعا سينيرجي شركة الإنتاج، بجد بحب الكرو ده جدا جدا، الكلام ده من قلبي، شكرا ليكو كلكو".
اقرأ أيضًا: من ”لعبة الأيام” لـ”حكايتي مع الزمان”.. أشهر أغاني وردة في ذكرى وفاتها (فيديو)
مسلسل "ونحب تاني ليه" من تأليف عمرو محمود ياسين، إخراج مصطفى فكري، وتدور أحداثه في إطار اجتماعي رومانسي، لا يخلوة من الإثارة والتشويق، ويشارك في بطولته إلى جانب ياسمين عبد العزيز، كل من شريف منير، كريم فهمي، سوسن بدر، أحمد سعيد عبد الغني، ليلى عز العرب، تارا عماد، إسلام جمال، وغيرهم.
