والله هحبسك.. شريف منير يظهر مع بناته في فيديو جديد ويهاجم متابعيه
شارك الفنان شريف منير جمهوره ومتابعيه، بمقطع فيديو جديد له مع بناته الذين تعرضوا للتمنر بعد نشر صورة لهما، وذلك حتى يوجه من خلاله رسالة قوية لمتابعيه.
ونشر شريف منير الفيديو الذي سجله برفقة بناته، عبر حسابه الشخصي بموقع تبادل الصور والفيديوهات الشهير إنستجرام، وعلق قائلا: "لا للتنمر".
وقال شريف منير في الفيديو: "دول المتهمين اللي عملوا المصيبة، دول اللي أذوا الناس والدين لان اللي بيكلموني بالدين، الملايكة اللي شتموني وشتموا البنتين الكبار قوي دول بيتكلموا بالدين، أنا بشكر كل الناس اللي دعمتني ودعمت فريدة وكامليا، أنا بطلب منكم انكم متسكتوش من النهاردة، على أي غلط أو تنمر، اعملوا بلاغ".
وتعرض النجم شريف منير لأزمة كبيرة، بعد أن نشر صورة لابنتيه "كاميليا وفريدة" عبر موقع الصور والفيديوهات الشهير إنستجرام.
وبعد الهجوم الذي تعرض له اضطر شريف منير لحذف الصورة بسبب تعليقات جارحة من قِبل البعض، أعاد نشرها من جديد، قائلا: "أنا نزّلت صورة بناتي الصغيرين، ولقيت تعليقات من ناس سافلة ومريضة.. جرحوني وجرحوا بناتي.. وتحت ضغط من بناتي ووالدتهم.. طلبوا مني أمسح الصورة.. فمسحتها، لكن أنا نزّلتها تاني لإن شوية الهمج المتخلّفين دول مش هما االلي هيحددوا أنشر إيه وما أنشرش إيه، وأي حد هيكون على أي صفحة تخُصّني لو تعدّى حدوده هتاخذ الإجراء القانوني ضده اللي بيوصل للسجن أحيانا".
اقرأ أيضا| رد فعل قوي من شريف منير بعد تعرض ابنتيه للتنمر: هاخد إجراء يوصل للسجن
ومن جديد، وجه أحد المعلقين تعبيرات خارجة للفتاتين، فانفعل شريف منير وأقسم بمقاضاته: "عملت سكرين شوت لتعليقك.. وبكرة محضر في مباحث الإنترنت، ولو وطيت تبوس جزمتي مش هسامحك.. وهسجنك والأيام بيننا.. هخليك عبرة لكل السفلة اللي زيك.. وحياة أمك لاحبسك وصورتك هتنزل متكلبش".
حاول بعض المتابعين تهدئة منير وألا يلتفت لمثل هؤلاء المسيئين، فأجاب: "يبقا يدخل الأحداث مش هسامح أي حد من النهاردة.. لازم يتربى، وممكن يكون شخص كبير وحاطط صورة ابنه أو أخوه.. هيبان في استدعاؤه للمباحث".
