أسما شريف منير عن «البحث عن علا»: «عبروا عن حاجات مكنتش عارفة أوصفها».. صور

أشادت الإعلامية اسما شريف منير، بمسلسل "البحث عن علا" للنجمة هند صبري، وأكدت أنه يكشف كثيرا عن حياتها الشخصية ما بعد الإنفصال.

ونشرت نجلة الفنان شريف منير مجموعة صور لها تتشابه مع صور لهند صبري من المسلسل، عبر حسابها الشخصي بموقع تبادل الصور والفيديوهات الشهير إنستجرام.

وعلقت قائلة: "كتير اتكلموا في تجربة الست بعد الطلاق انا، شخصية كتبت كتاب عن الموضوع بس مشفتش حاجة حقيقية قد العمل ده انا عمري ما نزلت پوست علي اي عمل عندي بس حقيقي لازم اشكر كل شخص اشتغل عشان يطلع حاجة بالجمال ده".

وتابعت: "و تقيمي ليه مش من ناحية فنية و زوية كاميرا و لا تنسيق ملابس ولا اي حاجة من دي مع ان كل حاجة، منهم معمولة بإتقان، انا تقيمي ليه هو احساسي کا ست عدت بكل تفصيلة وكانهم بيحكوا حكايتي، كأنهم دخلوا جوايا و ترجموا مشاعري".

اقرأ أيضا: مطربة شهيرة تسجل القرآن بصوتها.. تفاصيل

واستكملت: "شفت كل تحدي عديت بيه و كل مرحلة دخلت و اتخبط فيها، عبروا عن حاجات مكنتش عارفة اوصفها و لما شفت أنا عديت ب ایه اخدت كم طاقة و كأني أول مرة أعرف حجم اللي عديت بيه فا ثقتي في نفسي رجعتلي أقوي من الأول، عشان كنت ملهية في احداث الدنيا بس لما شفتها قدامي عرفت حجم قوتي پشكرك يا هند صبري و سوسن بدر،و كل شخص اشتغل في عمل متكامل جامد زي ده، لازم تتفرجوا عليه".