وائل شيتوس يروي ذكرياته مع يوسف الشريف: ”محترم من زمان وكان بيقولي يلا نصلي”

نشر وائل رياض شيتوس، نجم الأهلى ومنتخب مصر السابق، والمدرب المساعد فى جهاز المنتخب الأوليمبى الحالى، موقف جمعه مع الفنان يوسف الشريف، أكد من خلاله أنه فنان محترم وخلوق من زمان وليس وليد الصدفة.

وكتب "شيتوس"، عبر حسابه على موقع التواصل الاجتماعي "فيسبوك"، صورة جمعته بـ"الشريف"، وعلق عليها: "والله حصل.. زمان وأنا ساكن فى مدينة نصر كانت بتربطنى صداقة قوية أوى بيوسف الشريف، المهم كنا بنتمرن سوا فى الچيم ومرة واحدة وإحنا بنتمرن أذان العصر أذن، راح قاطع التمرين وقالى تعالى نصلى، قولتله يابنى ماهو لسه بدرى ولما نخلص تمرين هيبقى فى وقت كبير فاضل على المغرب يعنى مفيش مشاكل".

اقرأ أيضًا: سيميوني: كان يمكننا الفوز على برشلونة

وتابع شيتوس: "المهم قالى (لا خير فى عمل يلهى عن الصلاة)، وفعلا روحنا نصلى ومن ساعتها والموضوع ده مش بيروح من دماغى، ليه بقول كده دلوقتى، علشان عايز أقول إن يوسف الشريف محترم وخلوق من زمان أوى مش وليد الصدفة، رأيه لازم يُحترم حتى لو انت مش مقتنع بيه، بالتوفيق يا يوسف واستمر".