”علموا بناتكم يبقوا جامدين”.. علا رشدي توجد حلول للقضاء على التحرش وتناشد وزير التربية والتعليم (فيديو)
كشفت الفنانة علا رشدي، عن بعض النصائح والحلول للقضاء على أزمة التحرش، وناشدت وزير التربية والتعليم، لعمل حصة في المداس عن جسم الإنسان.
وظهرت علا رشدي في مقطع فيديو لها حتى تتحدث من خلاله عن ظاترة التحرش، ونشرته عبر حسابها الرسمي بموقع تبادل الصور والفيديوهات الشهير إنستجرام، وعلقت قائلة: "التحرش، موضوع مهم جدا محتاجة اتكلم معاكم فيه وكان نفسي الصوت يبقى اوضح".
وقالت علا في الفيديو: "ماكنتش عاوزة أتكلم غير لو كان عندي حلول، التحرش بيكون بكذا طريقة منها مجرد النظرة، مفيش مبرر أو حاجة بتخلي الراجل يعمل كدة غير إنها ست، مش عشان لابسة عريان ولا حلوة دي ثقافة متوغلة من زمان جدا".
وأضافت: "الوعي والتعليم حاجتين مهمين في تربية ولادنا، لازم نربي ولادنا على إن جسمنا ملكنا، محدش له الحق إنه يلمس حد تاني أو يستخف بيه أو يحتقره، وأنا في سنة 6 ابتدائي كنت بدرس جسم الإنسان، أتمنى يبقى فيه حصة عن جسم البني اَدم وكل واحد يخلي باله من جسمه، انا بناشد وزير التربية والتعليم، لازم يبقى في حصة عن جسم البني آدم، لان لو ده حصل من صغرهم هيحسوا إن الموضوع عادي، ولازم نحترم جسم بعض".
نصائح علا رشد للقضاء على أزمة التحرش
ووجهت "علا" بعض النصائح، قائلة: "لو بنتك جت قالتلك أنا بحب واحد، ماتخوفيهاش، أو لما ابنك أو بنتك يحكولك معناها إنهم بيثقوا فيكم، أنا قلقانة لو ولادي لما يكبروا مايحكوليش، لكل أم المفروض إنتِ الكبيرة توعيه، اسمعوا منهم، قوليله خلي بالك على نفسك، وتحاولوا تقوليلهم الحاجات اللي اتربيتوا عليها بطريقتك، وبلاش تخوفوهم لأنهم بيعندوا، ماتستنوش يحكولك وهما كبار، لازم الكلام ده يحصل وهما صغيرين".
اقرأ أيضًا: بعد شهر ونصف من المعاناة.. المطربة رحمة تعلن شفائها وأسرتها من كورونا
وتابعت: "علموا بناتكم يبقوا جامدين، وبلاش تخلوا الولاد يتريقوا على بنات، أوتربوهم إن الولد أحسن من البنت، وإن البنت بتيجي الدنيا عشان تخلف وبس، ودايما الراجل أهم، لازم نعلمهم يحترموا بعض، لازم نحترم بعض، لازم يثقوا فينا ويتعلموا يقولولنا أي حاجة، ويحكولنا أي حاجة ونتقبل ومش نبعدهم عننا إحنا قدوة بالنسبة لهم".
