فيديو.. هالة صدقي ترد على «زوجها»: الكنيسة تأكّدت من قدرتي على الإنجاب
بعد الأزمة التي أثارها مع زوجه ا مؤخرًا والتي تتعلق بنسب أولادها، أقرّت الفنانة هالة صدقي بأنّ حظها على مستوى الحياة الشخصية لم يكن على أفضل حال.
وقالت خلال مداخلة هاتفية مع برنامج "حضرة المواطن" على شاشة "الحدث اليوم": "أنا أتعرضت لابتلاء.. والحمد لله إني مش مريضة لكن دي ضريبة الشهرة.. أنا لو إنسانة عادية مكنش هيحصل كده، لكن الشهرة رغم إنها جميلة لكنها سلاح في ضهر أي فنان".
وأضافت: "للأسف هو لا يزال زوجي، وأنا أكن له كل الاحترام لأنه فقط أبو ولادي.. هو اختار يسافر أمريكا في عز الحرب وسابني مع الولاد، وأنا احترمت قراره.. أنا استحملت 5 سنين إهانات وشتيمة لإنه كان عاوز يرجع لكن أنا رفضت لإن أنا مش لعبة".
وردًا على ما أثاره زوجها بأنها ليست أم الطفلين وأنّها استخدمت بويضات تلقيح من سيدة أخرى، قالت هالة: "هو شايف كده هو حر.. المحامي قال في البيان الصادر إن فيه واحد صاحبه قاله.. هل فيه حاجة كده".
وأضافت: "أنا حملت طبيعي في مصر، وفضلت طول المدة في مصر وأنجبت في مصر، ومعايا جواز سفر أمريكي لو عاوزة أعمل كنت سافرت عملتها".
وتابعت: "هو بيقول إني مريضة ومينفعش أخلف.. أنا مكنتش عاوزة أدخل في تفاصيل حياتي لكن إحنا كدين مسيحي فالكنيسة بترفض إعطاء أي تصريح زواج لأي حد مسيحي إلا بعد التأكّد أن الطرفين يقدروا يخلفوا وكمان إن الجينات اللي بينهم مظبوطة، وبالتالي يقدروا يطلعوا ولاد معافين من غير أي أمراض، وكمان زواج الأقارب ممنوع".
واستطردت: "علشان ناخد تصريح الزواج عملنا التحاليل والأشعة.. أنا أشفق عليه.. هو ممكن في الغربة وحكم النفقة صدر بالحبس وبالتالي ممكن يكون عايش في صدمة وممكن في ناس معاه بتحركه حتى لو حساب ولاده".
