رسالة رامي صبري لـ تامر حسني ومحمود العسيلي بعد طرح كليب ”اختراع”
حرص الفنان رامى صبرى، على تهنئة النجمين تامر حسنى ومحمود العسيلى بعد طرح كليب أغنيتهما "اختراع" مساء اليوم الجمعة.
ونشر رامى صبرى، بوستر الكليب عبر حسابه على موقع التواصل الاجتماعي "فيسبوك": "مبروك لزمايلي النجوم تامر وعسيلي.. أغنية حلوة أوي أوي.. ودايما بتمني نعمل كلنا أغاني حلوة مع بعض عشان الجمهور المصري والعربي محتاج يشوفنا مع بعض بأفكار مختلفة.. ألف مليون مبروك".
كلمات أغنية اختراع
وتقول كلمات أغنية تامر حسني ومحمود العسيلي "اختراع": "معروف أنا من زمان، ولا واحدة بتملالي عينيا، جات هي حصل جنان، شكلي هيتعلم عليا، لا دي تعظيم سلام، حلوة جدا مش عادية، ده الحب ملوش كبير، وأنا إيه فاكر نفسي خبرة، وبوقع ناس كتير، وبعدي من خرم إبرة، قال إيه جامد خطير، خدت درس ميه ميه، طب هي ده اختراع، قلبي راح غيّر مساره، دي جمالها يجيب صداع، كام برج من عقلي طاروا، أيوه أم عيون فظاع، دبت جوه القلب ناره، دبت جوه القلب ناره، طب حَبه حَبه، قلبي شافها طب طبه، ده اللي كان مقفول بالضبة، وترباس ومفيش دخول، تأثير إلهي، شد عقلي وانتباهي، غيرت أنا اتجاهي واتجنينت مش معقول، طب هي ده اختراع، قلبي راح غيّر مساره، دي جمالها يجيب صداع، كام برج من عقلي طاروا، أيوه أم عيون فظاع، دبت جوه القلب ناره، دبت جوه القلب ناره، طب هي ده اختراع".
أغنية "اختراع" من كلمات أحمد راؤول، ألحان أحمد زعيم، توزيع ومكساج وسام عبد المنعم، تسجيل هيثم راضى، ماستر جلال الحمداوي، وأخرج الكليب تامر حسنى، وهو من ألبوم "خليك فولاذى".
