بعد أزمة التدوينة.. مدحت العدل يهاجم الأهلاوية ويجدّد التنمر بسعد الصغير (فيديو)

ردّ الكاتب مدحت العدل، على اتهامه بالتنمر بجمهور الأهلي والفنان سعد الصغير في تدوينته أعقبت هزيمة نادي الزمالك أمام نادي المقاولون العرب.

وكان العدل قد قال في تدوينة عبر حسابه على موقع "فيسبوك": "الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست، وصاحب أغنية ( باحبك يا حمار) سعد الصغير مشجع أحد الأندية العربية حيعرفه.. يا أمة ضحكت من جهلها الأمم".

وبعدما أثارت تدوينته أزمة كبيرة على مدار الساعات الماضية، عبّر خلالها جمهور النادي الأهلي عن غضبهم الشديد مما حدث، قال العدل: "فيه حد من قناة الأهلي طلع يتكلم عن جمهور الزمالك وبيقول عنه إنه فاوست، وفاوست هو الراجل هو الذي باع نفسه للشيطان، فردّ أحد الأهلاوية همّ دول يعرفوا يعني إيه فاوست".

وأضاف خلال مداخلة هاتفية مع برنامج "المساء مع قصواء" على شاشة "ten"، مساء الجمعة: "ما حدث هو تنمر على الجمهور، فأنا رديت وقولت يعني الجمهور اللي منه مجدي يعقوب ونجيب محفوظ وأحمد زويل وكبار مثقفي مصر مش عارفين مين هو فاوست، والجمهور اللي منه فلان اللي غنّى كذا هو اللي يعرف".

ومجدّدًا التنمر من جديد، صرّح العدل: "التنمر معناه إني أسخر من بشرة حد أو طوله أو قصره.. هو ده التنمر.. لكن فلان اللي أنا ذكرت اسمه يعرف فاوست، لا ميعفروش.. وهل أنا ادعيت عليه غنوة مش بتاعته.. هو اللي غناها".

وتابع: "لما عرفت من الناس إنه زعل، قولت أنا اعتذر بشدة لو كان زعل.. هذا الأمر بسيط للغاية.. جمهور الأهلي بقاله 20 سنة بيتنمر على شيكابالا والزمالك قدّم شكوى في الفيفا ضد هذا التنمر، فهل إنت شايف لما أقول كده تنمر ولما تقول إنت يبقى مش تنمر".

واستطرد - مخاطبًا جمهور الأهلي: "لما تحاولوا من أخطاء أو هزيمة بلاش تلزقوا الأمر فيا أنا".