”غطوا لحم بنتي”.. نهى العمروسي تكشف لأول مرة تفاصيل قضية فندق فيرمونت

كشفت الفنانة نهى العمروسي، تفاصيل جديدة حول قضية فندق فيرمونت، وذلك بعد تجديد الحكم بحبس ابنتها نازلي كريم، لمدة 15 يومًا على ذمة التحقيق.

وكتبت نهى العمروسي منشوراً طويلاً، عبر صفحتها الشخصية بموقع التواصل الاجتماعي فيسبوك، ثم حذفته بعد نشره بقليل، وفيه: "الست ساعات جوزها بيرغمها إنها تعمل حاجات مش عايزاها ولا راضية عنها، لكن بتعملها غصب عنها عشان ترضي جوزها خصوصا لو كانت بتحبها وبتثق ثقة عمياء فيه وسنها صغير ومش فاهمة الدنيا".

حقيقة الفيديوهات المسربة لابنة نهى العمروسي

أضافت نهى العمروسي: "الفيديوهات المسربة لابنتي نازلي، ينطبق عليها المثل ده، واللي صورها وصوته باين في واحد منهم بوضوح كان جوزها اللي هو واحد من المتهمين في جريمة فيرمونت".

وتابعت: "الولد ده بنتي كانت بتحبه من وهما مع بعض في المدرسة وعلاقتهم استمرت 12 سنة، لحد السنة اللي فاتت لما تمت 21 سنة خدها واتجوزها من ورايا.. مفيش بنت منحرفة هتفضل مع واحد 12 سنة، واللي بيسرب الفيديوهات رقم من استونيا، بيبعت الفيديوهات للصحفيين ولأرقام عشوائية عشان يفضح بنتي".

واصلت: "بنتي المسكينة فضلت 12 سنة مع واحد بيبتزها وبيهددها وكانت مبتتكلمش ولا بتقولي ولا بتقول لحد، لما اكتشفت قريب إن بنتي اتعرضت لكل القسوة دي سألتها ليه خبت عليا، وإيه اللي كان في دماغها ساعتها، ردت عليا وقالتلي أنا قولت أرضى وخلاص".

تابعت: "مع السنين البنت كبرت وبقت ترفض إنها توافق على حاجة هي مش راضية عنها، هددها وابتزها خصوصا، أخر سنتين، ورضخت لتهديداته وبعدين ثارت عليها وقررت متعملهاش تاني، الحاجات دي من ضمنها الفيديوهات المنشورة".

واختتمت العمروسي: "غطوا لحم بنتي ومتظلموهاش دي بنت يتيمة من طفولتها استفرد بيها واحد كان مدبر لها شر عشان كدا كان بيقصد يصورها بعلمها ومن غير علمها.. اتقوا الله".

اقرأ أيضا.. خاص| بكاء نهى العمروسي بعد تورط ابنتها في قضية فندق الفيرمونت.. ماذا قالت؟ (فيديو)

وجددت النيابة العامة، اليوم الأربعاء 2 سبتمبر 2020، حبس نازلي كريم، ابنة الفنانة نهى العمروسي، لمدة 15 يومًا على ذمة التحقيق، في قضية فندق فيرمونت.