فن وثقافة

جريمة الفيرمونت.. نهى العمروسي: مقولتش إن جوز بنتي بيجيب لها رجالة

الخميس، 3 سبتمبر 2020 11:26 صـ بتوقيت القاهرة

أكدت الفنانة نهى العمروسي، عدم صحة ما تردد بشأن ابنتها نازلي مصطفى، المحبوسة على ذمة التحقيقات في قضية "جريمة الفيرمونت"، حيث قال البعض إن زوجها كان يجلب لها الرجال، وذلك بعد المنشور الذي كتبته أمس حيث تم فهمه بطريقة خاطئة.

ومن خلال منشور عبر حسابها الخاص بموقع التواصل الاجتماعي "فيسبوك"، مسحته بعد ساعات من نشره كتبت العمروسي : "في جهات نشر بتقول تصريحات مغلوطة على لساني، أنا ماقلتش إن جوز بنتي كان بيجيب لها رجالة، الكلام ده ماجاش على لساني".

وكتبت نهى العمروسي أمس خلال منشور مسحته أيضًا: "الست ساعات جوزها بيرغمها إنها تعمل حاجات مش عايزاها ولا راضية عنها، لكن بتعملها غصب عنها عشان ترضي جوزها خصوصا لو كانت بتحبه وبتثق ثقة عمياء فيه، وسنها صغير ومش فاهمة الدنيا".

وواصلت: "الفيديوهات المسربة لابنتي نازلي، ينطبق عليها المثل ده، واللي صورها وصوته باين في واحد منهم بوضوح كان جوزها اللي هو واحد من المتهمين في جريمة فيرمونت الولد ده بنتي كانت بتحبه من وهما مع بعض في المدرسة وعلاقتهم استمرت 12 سنة لحد السنة اللي فاتت لما تمت 21 سنة خدها واتجوزها من ورايا".

واستكملت العمروسي: "مفيش بنت منحرفة هتفضل مع واحد 12 سنة، اللي بيسرب الفيديوهات رقم من استونيا بيبعت الفيديوهات للصحفيين، ولأرقام عشوائية عشان يفضح بنتي، بنتي المسكينة فضلت 12 سنة مع واحد بيبتزها وبيهددها وكانت مبتتكلمش ولا بتقولي ولا بتقول لحد".

وتابعت نهى العمروسي في منشورها أمس: "لما اكتشفت قريب إن بنتي اتعرضت لكل القسوة دي سألتها ليه خبت عليا، وإيه اللي كان في دماغها ساعتها، ردت عليا وقالتلي أنا قولت أرضى وخلاص".

وأضافت: "لكن مع السنين البنت كبرت وبقت ترفض إنها توافق على حاجة هي مش راضية عنها، هددها وابتزها خصوصا، أخر سنتين، ورضخت لتهديداته وبعدين ثارت عليها وقررت متعملهاش تاني الحاجات دي من ضمنها الفيديوهات المنشورة".

وانهت العمروسي مناشدة بعد الخوض في سيرة ابنتها بكلام مغلوط: "غطوا لحم بنتي ومتظلموهاش دي بنت يتيمة من طفولتها استفرد بيها واحد كان مدبر لها شر عشان كدا كان بيقصد يصورها بعلمها ومن غير علمها اتقوا الله.