محكمة الأسرة اليوم 2020| إيمان : كنت هنتحر علشان أتجوزه.. بس خان العيش والملح
"اتعميت عن الحقيقة علشان بحبه.. كنت هنتحر علشان أجوزه.. بس طلع خاين".. بهذه الكلمات رفعت زوجة دعوى قضائية أمام محكمة الأسرة الجيزة تطالب بحضانة أبنائها بعد 14 سنة زواج انتهت بالخلع، وتؤكدة أنها لم ترَ أطفالها منذ 18 شهرا.
وقالت "أيمان" في دعواها أمام محكمة الأسرة بالجيزة: "حلمت كتير إني ألبس فستان الفرح الأبيض، مثل كنت البنات وأتزف لعريسي لشخص اللى اختاره قلبي وعقلي، وعشان كده اتحديت أسرتي اللي كانوا رافضين جوازي منه وتقاليد العائلة، كانوا عاوزين يضمنوا مستقبلي مع واحد وظيفته حكومية، لكن هددتهم بالانتحار لو بعدوني عنه، فوافقوا".
اقرأ أيضًا: محكمة الأسرة اليوم 2020| حنان في دعوى خلع: ”بيكلم ستات في التليفون”
وأضافت الزوجة في دعواها أمام محكمة الأسرة بالجيزة: "عشان ظروف جوزي عملنا فرح فى أضيق الحدود، ورضيت أعيش معاه فى أوضة بحمام، طبعا عشان افتكرت إن الحب هيخلي الأوضة قصر وعمري ماعاتبته على حرماني من الدنيا، بنام من غير عشا وأنا مبتسمة عشان ميتحملش فوق طاقته، لكن بعد شهرين من الزفاف، اتحول الملاك البريء اللي حاربت أسرتي عشانه، لوحش بيضربني على أتفه الأسباب، عمري ماتخيلت إن الراجل اللي كنت هموت نفسي عشانه هو اللي هيموتني".
وتابعت الزوجة أمام محكمة الأسرة الجيزة: "رغم كل ده ولسه في أول شهرين من الزواج حاولت أعيش وأتحمل الوجع منه والجروح اللي مالية جسمي، وقررت إني مش هرجع بيت أهلي عشان محدش يشمت فيا، ويعاتبني، وخلفت أول بنت، ومن بعدها التانية، وكانوا هدية ربنا ليا وعوضوني عن مأساتي مع جوزي، وطبعه أصعب من الأول، وكل مرة بكون فيها تحت إيده بيموتني، لحد ما أصابني بارتجاج فى المخ، وكملت معاه تاني، عشان خوفي من شماتة أهلي" .
وتابعت الزوجة أمام محكمة الأسرة الجيزة: "دخل البيت أول يوم العيد، وكنت منضفاه ومفيش أي حاجة ناقصة، فتح التلاجة ومكنش فيه مياه باردة، اتعصب ونزل فيا ضرب بالحديدة على دماغي، ومحستش بنفسي غير وأنا فى المستشفي وأهلي حواليا".
وأضافت الزوجة في دعواها أمام محكمة الأسرة بالجيزة: "بعد ما أهلي شفوني في المستشفى ساعتها طلبوا منه يطلقنى بعد ما الدكتور قال إن ممكن يصيبني العمى قريب بسبب الضرب على دماغي، بس هو رفض يطلقني، فرفعوا ضده دعوى خلع، فانتقم وخطف ولادي مني ولحد دلوقتي مش عارفة أشوفهم".
وقالت إيمان في دعواها أمام محكمة الأسرة الجيزة: "كل اللي شوفته ده اتحملته كان عشان خاطر ولادي وخلاص هتعمي بسبب حبي ليهم وليه، عارفة إنه هيحرمني منهم عشان كده كنت خايفة أطلق، مش عاوزة حاجة غيرهم رجعولى ولادي".
