والد محمد علي: سرق فلوس اليتامى.. ولو شوفته هاقتله

شنَّ علي عبد الخالق والد المقاول الهارب محمد علي، هجومًا ضاريًّا على ابنه الذي يحرِّض على ضرب الاستقرار في مصر.

 

وقال خلال مداخلة هاتفية مع برنامج "على مسؤوليتي" على شاشة "صدى البلد": "ده عيل حرامي أنا متبري منه، ومريض شهرة، وياريت تقولوا عليه محمد الخائن وليس محمد علي".

 

وأضاف: "هو إنسان فاضي، ومالوش في السياسة، وسرق فلوس اليتامى، وأنا لو شوفتهم قدامي هاقتله".

 

وتابع: "الخائن ده سرق 22 مليون جنيه من العائلة، ووسرق فلوس أخوه الله يرحمه اللي ولاده قاعدين في شقة إيجار جديد.. تصرفات محمد بتخليني أبكي ليل ونهار، لكن تراب مصر أسفه في ميدان وفي إيدي التانية سيف أجيب رقابته".

 

واستطرد: "إحنا اتحطينا في وضع مش بتاعنا أبدًا.. والناس بتحترمني وتشيلني على كفوف الراحة، لكن اللي حاصل مش طبيعي.. نفسي أشوفه هنا قبل ما أموت، وأشفي غليلي من اللي عمله فينا".

 

وأكمل: "الواد ده لازم يتكتف وتكون دي نهايته.. أنا بعتله رسالة من 2018 قولتله إحساسي إنك داخل في نفق مظلم واحتفظ بالرسالة دي لإنك هتدفع الثمن".