مراتي اتجننت.. وليد بمحكمة الأسرة يصرخ لإثبات نشوز زوجته
"احبسوني، مراتي اتجننت، عاوزة 10 آلاف جنيه فلوس مصيف، دانا يدوب بكفي مصاريف أكلها هي والعيال بالعافية"، هكذا وقف الزوج أمام محكمة الأسرة بالسيدة زينب يطالب بإثبات نشوز زوجته وخروجها عن طاعته، بعدما اتهمها بتبديد الأموال، واستغلال الأطفال كوسيلة ضغط، وتهديده بالحرمان منهم لتنفيذ مطالبها.
الزواج كان منذ 12 عاما، عاش فيها وليد كل أنواع العذاب والويل على يد زوجة سليطة اللسان، وبسبب حظه التعس على حد وصفه "اتعودت تهملني أنا والولاد، وقفت جنبها وجنب أهلها سنين، بس بتنكر كل ده، وبتتعامل معايا بطريقة وحشة، وفي النهاية قررت تحرمني من ولادي عشان خاطر زعلانة مني".
"مراتي بتحب المقارنات دايما، دايما تقارن بيني وبين أصحابي، وبين حياتنا وحياة الناس، وبينها وبين جارتها، والمشكلة إنها دايما بتتعالى على الناس عشان تحسسهم بالنقص جنبها، وفي النهاية صممت ناخد قرض من البنك، عشان تغير عفش الشقة، مع إن عفشنا جديد"، ليشير وليد إلى أن مرتبه من العمل المسائي لا يكفي أسبوعا واحدا بسبب زوجته وتبذيرها، ليضطر في النهاية للاقتراض من أهله وكل من حوله لدفع الأقساط وتلبية رغباتها التي لا تنتهي.
حاول وليد مرارا وتكرارا أن يشرح لزوجته حقيقة وضعه المالي، ويطالبها بالكف عن التبذير حتى يتمكن من سداد المديونيات السابقة كي لا يُسجن "حاولت أقنعها نعيش على قدنا، فكانت عاوزاني أمشي في طريق مش قانوني، وفي النهاية عاوزة 10 آلاف جنيه عشان المصيف، ياتحبسني وتحرمني من عيالي، وأنا مش هسيب عيالي مهما يحصل".
اقرأ أيضًا: ”كانت خبطة العمر”.. اعترفات المتهمين بسرقة فيلا نجل إعلامية شهيرة بالتجمع
