”خد غرضه ومرضيش يدفع”.. اعترافات مثيرة لفتاتي ليل قتلتا مهندس بأكتوبر
"أنا متجوزة 3 مرات عرفي، وجوزي عارف بيهم، وجوزي الشرعي أنا معايا منه 4 أطفال، أنا ريكلام بأمر جوزي"، بتلك الكلمات اعترفت نادية المتهمة الرئيسية بقتل مهندس أكتوبر بـ 28 طعنة، لتأتي بتفاصيل مثيرة أمام المباحث بعد القبض عليها بصحبة شريكتها في الجريمة "ابتسام".
البداية بريكلام "نادية" غير مطابقة للمواصفات القياسية، استطاعت أن تشق طريقها الحرام هي وصديقتها بعلم من زوجها، لتقرر فجأة بأن تتزوج عرفيا بعدما فشلت في كونها فتاة ليل، لتحدد مدة الزواج 15 يوما، ب5 آلاف جنيه "اللي عاوزين المتعة كتير، والكباريهات مبتفضاش من الناس دي، ومن 8 شهور اتعرفت على ابتسام، بت جدعة وبتاعت شغل، وبتعرف تسلك الزبون كويس، فقررنا نتشارك في المصلحة، ونقسم القرش بالنص".
اقرأ أيضا: متزوج ولديه أبناء| مهندس أكتوبر مأجر الشقة لمزاجه.. والمتهمتان سرقتا ”حلل المطبخ”
"يوم ورا يوم احنا شغالين، وبنروح كل يوم كباريه شكل، لحد يوم ماقابلناه، كنا رايحيين شغلنا زي كل يوم، كباريه كبير في شارع الهرم، بتاع ممثلة مشهورة، احنا أصلا متفقين معاهم بس هناك رفضوا يدخلونا، وقالو لنا جسمنا مش مناسب لشغل الريكلام، سيبنا المكان وقررنا نمشي في شارع الهرم لحد ماهو اللي نده علينا ووقفنا، كان راكب عربية فخمة وعاوزنا احنا بالتحديد"، لتؤكد المتهمتان أن المجني عليه طلب منهما قضاء ليلة حمراء بشقته بأكتوبر مقابل 250 جنيها لكل منهما، ليرفض بعد قضاء ليلته إعطاؤهما حقهما ويغلق باب الشقة عليهما ليمنعهما من الخروج .
لتتابع ابتسام مؤكدة أنها من سددت له الـ28 طعنة، بعدما أغلق عليهم باب الشقة عنوة، ورفض إعطاؤها المبلغ المتفق عليه "اتخانقت معاه، فمسكني وكان عاوز يكتم صوتي، فمسكت السكينة وضربته لحد ما الشقة اتحولت لبركة دم، وكل هدومنا غرقت دم، وبمجرد ما اتأكدت إنه مات، وقفت استريح وكنت حاسة إن جسمي كل سايب من بعضه، بس قبل ما نمشي قررنا نسرق كل حاجة في الشقة، ودورنا على مفتاح الشقة، وجمعنا الأجهزة الكهربائية، وطلبنا عربية ونقلنا كل حاجة لشقتنا ".
وتمكنت أجهزة الأمن في الجيزة، برئاسة اللواء طارق مرزوق، مساعد أول وزير الداخلية لقطاع أمن الجيزة، من القبض على المتهمتين، وبمواجهتهما أقرتا أمام المقدم إسلام المهداوي رئيس مباحث أول أكتوبر بتفاصيل الجريمة، وأنهما لم تقصدا قتل المجني عليه، بل حاولتا سرقته بعد أن انتهيتا من ممارسة العلاقة المحرمة معه، وأثناء محاولتهما الهروب بعد تخديره، وجدتا باب الشقة مغلقًا، وأثناء بحثهما عن المفتاح في ملابسه حاول منعهما واعتدى عليهما بالضرب، فأسرعت احداهما إلى المطبخ، وأمسكت سكينا، وسددت له سيًلا من الطعنات، حتى تأكدتا من وفاته.
