فيديو صادم.. أستاذ جامعي بالإسكندرية يسب القرآن الكريم
انتشر مقطع فيديو على مواقع التواصل الاجتماعي، يفيد بسب وإهانة الدكتور محمد المهدلي، الأستاذ بكلية الخدمة الاجتماعية بجامعة الإسكندرية، للدين الإسلامي وسبه للقرآن الكريم.
وأشار الفيديو إلى نص ما قاله الدكتور كما يلي:
وقال الأستاذ الجامعي: إنه "يجوز للابن أنه يتجوز أمه وإن الإسلام دين معقد عشان بيحرم الابن من أنه يتجوز أمه".
تصريحات الأستاذ الجامعي، أثارت غضب الطلاب، ما دفعهم إلى الاعتراض على تصريحاته قائلين: "هاتلنا آية تثبت اللي أنت بتقوله ده"، وجاء الرد الدكتور ناهرا الطلاب: "بلا آيه بلا زفت"، ليسارع الطلاب معربين عن اعتراضهم على قوله: "أنت إزاي تقول كده"، وقام الدكتور بطرد الطلاب من المحاضرة.
إحدى الطالبات تصرح لـ"الطريق" حول الواقعة
إحدى الطالبات في الجامعة قالت لـ"الطريق": "مبدئيا إحنا مش أول دفعة تشتكي منه، كل الدفعات اللي قبل كده بيشتكوا منه، وتقريبا ما حدش بيحضر له محاضرات، ودائما عامل مشاكل مع الطلبة، ودائما بيدخل الدين في أي محاضرة، ويتكلم عن الإسلام بطريقة مش كويسة وكلام ليس له أي إثبات من الصحة، وطلاب كثر ما بتحبش تتكلم معاه ولا تعارضه علشان بيسقطهم، وفي يوم استلم المنقبات وبدأ يقول لهم إنتم جاريات وعاهرات، وإن المنقبات دول زمان أيام الاحتلال كانوا هم إللي بيحلوا القعدة وكانوا بيلبسوا النقاب علشان يداري وشهم من فضائحهم، والبنات كانت بتسكت ولما تكلموا سقطهم ومن وقتها ما حدش بيتكلم خالص، وفي يوم قعد يتكلم عن الدين بطريقة تسيئ لنا كلنا، ولما الطلاب قالوا له حضرتك كده (كفر) قال لهم: "أنا ملحد في وسط السكشن كله قال لهم.. أنا ملحد".
اقرأ أيضا: أول تعليق من الأستاذ الجامعي صاحب الفيديو المسيء للقرآن الكريم (خاص)
وتابعت الطالبة: "إللي حصل يوم الفيديو.. إللي اتصور كنا قاعدين في السكشن عادي جدا وفجأة بدأ يتكلم عن الدين والإسلام زي ما بيحصل في كل محاضرة.. بس المرة دي الوضع كان مختلف لأنه كان بيتكلم عن الرئيس الفرنسي وبيقول إن هم مش غلطانين إحنا اللي غلطانين وكمان همجين، لكن الرئيس الفرنسي اتخذ قرارا طبيعيا جدا لأنه بيحارب النجاسة".
وقال أيضا: "بدل ما نقاطع المنتجات الفرنسية.. شجعوها أو حتى اعملوا زيها.. المنتجات الفرنسية دي إنتم ما تعرفوش تعملوا زيها هنا في مصر.. ثمن علبة الجبنة هناك يشتريكوا هنا.. وهنا الطلاب كلهم تكلموا ولما بدا صوتهم يعلوا ويقولوا له إلا رسول الله، قال لهم: إنتم "بتدافعوا عن واحد اتجوز واحدة أكبر منه بتدفعوا عن واحد اتجوز تسعة أنا ما ليش أنا ما ليش علاقة.. التسعة كانوا على ذمته ولا أربعة بس أنا ليا إن هو متجوز 9".
