شيرين رضا: ”والدي كان مصدوم فيا وشايف إني قليلة الأدب” (فيديو)
كشفت الفنانة شيرين رضا، عن ذكرياتها مع والدها الفنان الراحل محمود رضا، وعن الأشياء التي تعلمتها منه خلال لقائها مع المذيعة مها الصغير ببرنامج "its show time".
وتحدثت شيرين رضا، عن والدها: "بابا هيبقى أول فصل في كتاب حياتي، علمني المسئولية من صغري، علمني كل حاجة، كان أب لذيذ جدًا، كان يقولي اعملي إنتي اتصرفي إنتي، فكري إنتي، علشان يعلمني المسئولية، علشان لما أكبر ملقيش كل حاجة على دماغي ومش عارفة اتصرف إزاي".
وأضافت: "علمني الصبر والاحترام وإني أفهم إن مش كل الناس رأيها هيبقى زي رأيي، وطبعًا واضح إني متعلمتش الحاجة دي.. مكنش في صدام بينا، وكان شايف إني قليلة الأدب، لأنه عمره في حياته ما قال البني آدم ده وحش فكان مصدوم فيا إنتي إزاي بتقولي الكلام ده".
وردت على سؤال مها الصغير لها عن ما هي ضريبة النجومية؟، قائلة: "كنت بعمل انترفيو مؤخرًا والسماعات في أذني وفي نص الحوار، واحد قالي ممكن سيلفي روحت مدورة وشي ويارب يكون لسة عايش، يعني هو مش فارق معاه ايه اللي بيحصل، غير أنه عاوز ياخد سيلفي مع شيرين رضا".
اقرأ أيضًا: قبل ساعات من عرضه.. تغيير اسم مسلسل درة الجديد
وعرضت للفنانة شيرين رضا رابع حلقات مسلسل "نمرة اتنين"، والتي تحمل عنوان "فرق توقيت" مع الفنان ماجد الكدواني، عبر منصة شاهد VIP عرضت الحلقة حصريًا.
