”متآمر وبتاع ستات”.. زوجة عبد الرحمن يوسف تروي معاناتها مع ابن القرضاوي
روت مروة عاشور زوجة الإخواني عبد الرحمن يوسف القرضاوي قصة معاناتها مع زوجها، الذي منعها من السفر رفقة بناتها الثلاث إلى مصر.
وقالت مروة في تصريحات لبرنامج "الحكاية" على شاشة "mbc مصر"، مساء السبت: "إحنا اتجوزنا من 12 سنة، وطول الوقت أنا أعاني من مشاكل وعايشة مع حد غامض، واكتشفت إن فيه علاقات نسائية كثيرة".
وأضافت: "مكنتش باتكلم في الأول علشان مكنتش عاوزة بيتي يتخرب، ويمكن حاجة تتصلح، لكنه شخص محترف في خداع الناس سواء بالعياط أو التوسل".
اقرأ أيضًا: بعد عمرو أديب.. الديهي: بيانات وزارة الصحة عن إصابات كورونا ”غير حقيقية”
وتابعت: "اللي يعرفه هو الانتقام، وأنا باطلب الطلاق من فترة وعرض عليا التنازل عن ولادي.. وأنا اتعاملت معاملة سيئة من أول ما وصلت تركيا من سنتين ونصف.. أنا جيت تركيا بضغط رهيب لإنه هددني إن الشرطة هتقبض عليا وإنه مش هيدفع مصاريف مدارس البنات، وأنا مكنتش عاوزة بناتي يعيشوا مأساة البعد عن أبوهم، وصعبوا عليا جدًا".
وأكملت: "لما سافرت اكتشفت علاقاته والمؤامرات اللي عايش فيها..هو هرب من مصر بشكل غير قانوني، من مصر للسودان لتركيا لقطر، وأنا فضلت في مصر لغاية الولادة، روحت قطر لـ6 شهور، وصممت أنزل مصر، وطلب مني أمضي شيك بقيمة 10 ملايين دولار علشان يسبني أنزل".
واستطردت: "اللي شوفته في العائلة دي مشفتوش في عائلة تانية.. اشتكيت للشيخ يوسف قالولي انزلي لوحدك، ولما أضربت عن الطعام وافقوا على نزولي، لكن لم يحدث شيء وحياتي أصبحت سوداء، واضطريت أنزل اشتغل، وجاتلي عروض للظهور في الإعلام لكنّه هددني".
ومضت تقول: "معاملته ليا في تركيا كانت فظيعة وحرق جوازات السفر الخاصة بالبنات علشان منعرفش ننزل مصر.. في الأول كان عايش معانا وبعد كده أخد شقة إيجار، وهو عاوز يقعد في تركيا علشان الحياة مفتوحة أكتر ومش شغال، هو وإخواته عندهم شركة في قطر، ولما اتنازل عن الجنسية القطرية اضطر يسحب الشراكة بشكل رسمي على الورق فقط".
اقرأ أيضًا: مستشار الرئيس مستشهدًا بـ”عين شمس الجامعي”: ”مين قال كورونا لا يصيب الأطفال”
وتحدّث عن علاقة عبد الرحمن بوالده يوسف القرضاوي قائلةً: "العلاقة الآن جيدة، لكن في السابق لم تكن كذلك، وعلاقته السيئة كانت سببها زواج والده على والدته، وإنه جعلهم في موقف سيء أمام الناس".
وأضافت: "مفيش تواصل بيننا ومش بيشوف البنات خالص.. هو مش شاغل نفسه بالبنات أبدًا، ومش عاوزنا ننزل مصر.. إحنا متبدهلين نفسيًّا، وأنا غير سعيدة هنا وغير مرتاحة في تركيا ولا أشعر بالأمان على الإطلاق".
وكشفت مروة: "عرفت إنه يعرف واحدة في حملة البرادعي وعملوا عليا مؤامرة وكل ده علشان أسيب البنات وأنزل مصر لوحدي.. حياتي معاه كلها عبارة عن مؤامرات".
وأوضحت مروة محاولتها للسفر إلى مصر بعد التواصل مع السفارة قائلةً: "الناس عاملوني كويس جدًا، وطلعولي وثائق سفر مصرية، تصلح للسفر مرة واحدة ، وفي الحالة دي مش من حقهم يمنعوني، ولما روحنا المطار لقيت ورقة مكتوب عليها اسمي وأسماء البنات ومنعونا من المطار، وهو له علاقة بمدير المطار.. تواصلت مع السفارة، والمسؤولين في السفارة سألوا في المطار وكان الرد إن البنات ممنوع يسافروا".
