”مسجلة عشيقها باسم سناء”.. قاتل طليقته في بولاق يهرب من المسؤولية باعترافات مثيرة
"بتخوني ياباشا من ورايا وأنا مقدرتش اتحمل كل ده، فا أخدت بتارى منها ورديت شرفى قدام الناس".. بهذه الجمل وقف الرجل الستيني المتهم بقتل طليقته معلمة أمام مدرسة الشيماء الخاصة ببولاق الدكرور، يدلي باعترافاته أمام جهات التحقيق بنيابة شمال الجيزة، مبررا أنه رد شرفه.
وأضاف الجاني أمام جهات التحقيق: "كنا بنتخانق دايما علشان مصاريف البيت والبنات وكانت بتعايرني علشان قعدت فترة بدون شغل، وبعدها بدأت المشاكل بينا، وكنت بروح عند مراتي التانية".
وأضاف المتهم: أنا اللي عملت ليها الحضانة اللي في بتدرس فيها دي، وكل ما بكلمها بتقولى أنا قاعدة عند صحابى، واكتشفت إنها بتخونى مع واحد أسمه "حسن حسنى" وبتجمعه في الحرام".
وتابع: "مرة كان تليفونها بيرن وأنا كنت موجود في البيت، فرديت عليه سمعت صوت راجل، وهى كلنت مسجله الرقم باسم واحدة اسمها سناء صاحبتها في المدرسة، ومن بعدها بدأت أراقبها، كانت في الحمام وكانت سايبة تليفونها على الكومدينو، فتحت تليفونها وقلبت رسايل الوتس وجدت صور ورسائل غرامية بينها وبين أحد الأشخاص، وبعدها قمت بعمل محضر زنا يوم 27 ديسمبر من العام الماضي.
واستطرد: بعد ما خلعتنى وطردتنى من الشقة، فكرت إنى أنتقم منها وآخد بتاري، فبدأت أخطط لقتلها منذ شهر، لحد ما جيت لقيتها قدامى ومقدرتش أمسك نفسي وانتقمت منها قدام الناس في الشارع.
اقرأ أيضا: جيران ضحية بولاق المقتولة لـ”الطريق”: قتلها علشان خلعته وطردته وعايزها تصرف عليه ”فيديو”
جيران الضحية ..
قال الحاج رمضان جار الضحية أن المجني عليه عرفت بين الأهالي والجيران بطيبة النفس والاحترام، مضيفا: "دي ست جميلة ومحترمة وبنت ناس ومدرسة ازاي تتجوز المجرم دا وفي الآخر يعمل فيها دا كله".
وأضاف: أن زوجها أكبر منها بـ30 سنة، وأنه تزوج المجني عليها منذ عشرين عاما وأنجب منها فتاتين، الأولى في الثانوية العامة والثانية في إعدادي والجاني متزوج من سيدة أخرى ولديه شابان في سن العشرين ومنذ فترة قصيرة طُردوا من الشقة.
وتابع: أن زوجها قعد في الشقة دون عمل وعايزها تصرف عليه، مما دفع المجني عليها إلى إقامة دعوى خلع. واستطرد: منذ شهر أصدرت محكمة الأسرة حكما بخلع المتهم من المجني عليها، وبعدها غادر الجاني المنطقة وفوجئنا اليوم بقتل طليقته أمام مدرسة خاصة بصفط اللبن.
وتم تجديد حبس المتهم 15 يوما على ذمة التحقيقات، وجار اتخاذ الإجراءات القانونية اللازمة حيال الواقعة.
