شاهد عيان على حريق سوق التوفيقية يروي التفاصيل: الناس اتمسحت من على وش الأرض

روى شاهد عيان يدعى رضا مراد، تفاصيل الحريق الذي نشب في سوق التوفيقية وأسفر عن اندلاع النيران في عدد من الأكشاك والمحال.

وقال خلال مداخلة هاتفية مع برنامج "90 دقيقة" على شاشة "المحور"، مساء السبت: "الحريق كان صعب جدًا، وكلمت تضرر دي كلمة قليلة، فيه ناس فلّست واتمسحت من على وش الأرض".

اقرأ أيضًا: ”كنت عايز أحرق قلبهم”.. اعترافات مثيرة للمتهم بحرق سوق التوفيقية

وأضاف: "اللي ولّع النيران له نصيب في المحلات دي وحصل عليه بالفعل، ونبّه على ولاد عمه إنه لم مخدش الـ5000 جنيه هيعمل كده.. المتهم رش على فرشة ولاد عمه اللي كان فيها 14 عربية".

وتابع: "المتهم رش على عربية واحدة بس بنزين وولع فيها وغادر المكان، وارتكب الجريمة وهو تحت تأثير المخدرات، هو توقّع إن الغفر اللي موجودين هيطفوا النيران، لكن النار التهمت الـ14 عربية ومسكت في كابل كهرباء عمومي".

اقرأ أيضًا: عاجل | النائب العام يصدر بيانا بشأن المتهم بحرق سوق التوفيقية

واستطرد: "الحريق امتد بعد كده لـ22 محلًا بالمخازن، والمول يحتاج فترة طويلة علشان يرجع يشتغل تاني، وفيه خسائر بالملايين، ولو شوفنا المنظر قولنا أكيد الحريق ده مش طبيعي".