ريهام سعيد: لو جوزك ضربك وخانك سامحي واوعي تطلبي الطلاق علشان كرامتك (فيديو)

حرصت الإعلامية ريهام سعيد على توجيه نصائح للمتزوجات، وعدلت عن آرائها السابقة في فكرة الطلاق، مشددة على ضرروة أن لا تتجه الزوجة نحو طلب الانفصال مهما كانت طباع زوجها.

وقالت ريهام سعيد خلال برنامجها "صبايا الخير" عبر شاشة "النهار": "عارفة بعد كلامي الدنيا هتتقلب عليا، زمان وأنا صغيرة كنت أقول اللي مش مرتاحة مع زوجها لازم تتطلق، واللي مش عايشة ملكة لازم تتطلق، ومينفعش تبقى قاعدة عشان بيتصرف عليكي، بس الكلام ده كنت بقوله زمان كنت لسة في العشرينات".

وأضافت ريهام سعيد: "انفصلت عن زوجي وأنا في العشرين، وكنت فاكرة نفسي بطلة، وأكيد عدم التفاهم بين الزوجين شيء مؤلم أن تعيش المرأة حياتها، لما كبرت بغير كل الكلام اللي بقوله لإني بدأت في المحور وأنا عندي 24 سنة، ولكن الأكيد أن هناك طرق أخرى بخلاف الطلاق".

تابعت :"اوعي تتطلقي ولا تمشي ورا اللي بيقول كرامتك وشكلك، وخصوصًا لما يكون عندكم أطفال، يجب الوصول لحل بلا خناقات، زي ما بنتفق على القايمة نتفق إن يكون في حل للخلافات دي واحترام بعضنا".

واستطردت: "عارفة الدنيا هتتقلب عليا، أنا مش بقول وافقي على الضرب لكن سامحي، سامحي عشان ولادك، ودي تحتها ألف خط، لما ولادك بيتربوا بين باباهم ومامتهم حاجة تانية خالص وكمية الأمان شيء تاني".

اقرأ أيضًا: ”مين هترضى تمثل معاك وانت تخين”.. أحمد زاهر يكشف سر فقدان وزنه

وأردفت: "إنتي تاخدي اللي عاوزاه بالذكاء والحسنى والحنية، دي مش تنزلات دي منتهى القوى إنك تتنازلي وتيجي على نفسك علشان ولادك وإنك تلمي شمل بيتك هيعرف قيمتك، الحق مش بيروح عند ربنا، إذا كان ربنا بيغفر وبيسامح".

وتابعت: "عرف واحدة عليكي سامحي بدال لسة معاكي يبقى بتاعك ماتتنزليش عن بيتك، هو سابك ماشي لكن انتي ماتطلبيش الطلاق لأنها خطوة صعبة إنك تربي ولادك من غير أب إنتي كده بتاذيهم".