بعد الهجوم عليها.. منة عرفة: ”علاقتي بربنا شيء خاص محدش يحاكمني عليها” (فيديو)
عبرت الفنانة الشابة منة عرفة عن انزعاجها الشديد بسبب إساءة إحدى المتابعات لها، حيث شككت في دينها، ومتابع آخر اتهمها أنها لا تعرف شيء عن دينها، لذا قررت أن تخرج عن صمتها وترد عليهما من خلال فيديو عبر حسابها بموقع "إنستجرام" من خلال خاصية الأستوري.
وقالت منة عرفة خلال الفيديو الذي نشرته: "في ناس منتشرة وسطينا بتحب تقلل من الأشخاص، وهحكي لكوا قصتي، كنت طالعة لايف بتكلم مع الناس وبهزر معاهم في واحدة كتبت لي كومنت بتقول لي واتقوا يوما ترجعون فيه إلى الله".
وردت منة عرفة من خلال الفيديو على المتابعة قائلة :"إنتي ماتعرفيش علاقتي بربنا دي حاجة خاصة، وفي واحد تاني بيدافع عنها وبيقول لي إنتي بتتكلمي في الدين ليه هو إنتي مسلمة وتعرفي إيه عند دينك؟".
وتابعت منة: "مش من حق أي حد يقيم علاقتي بربنا، أنا مسلمة وأفتخر، وعلاقتي بربنا شيء خاص، يا ريت ماحدش يتدخل في حاجة مالوش فيها، الدين برضه بيقول لو عندك كلمة حلوة تقولها مش عندك التزم الصمت، لإن الكلمة الطيبة صدقة، يا ريت محدش يحكم عليا".
ووجهت منة عرفة من خلال الفيديو نصيحة للمسئيين لها بضرروة أن لا يحمكوا عليها مضيفة: "لازم تتعلموا ما تجوش على غيركوا، بلاش الكلام اللي بيوجع وبيأثر في الواحد، أنا أهلي ربوني زي ما أهلكم ربوكوا بالظبط، والوسط اللي أنا فيه أكيد بيعرف ربنا، وربوني على الصح والغلط، عندي أب وأم وأخوات بيزعلوا لما يشوفوا الكلام ده".
اقرأ أيضًا: ”سامحوني”.. تدهور الحالة الصحية لـ نجلاء بدر بعد إصابتها بكورونا
واختتمت منة عرفة حديثها قائلة: من حقك تقول رأيك في شغلي، في دور ليا، أو في لون شعري، أو فستان لبساه، إنما خصوصياتي خط أحمر، وده مش هسمح بيه أبدا، لا من قريب ولا من بعيد".
