اليوم.. أولى جلسات محاكمة الإعلامى تامر أمين في سب وقذف الشعب المصري

تشهد محكمة جنح مدينة نصر، اليوم الإثنين 29 مارس 2021، أولى جلسات محاكمة الإعلامى تامر أمين لاتهامه بسب وقذف الشعب المصري وإهانته لأهل الصعيد.

كان الإعلامي تامر أمين، اعتذر عن إهانته أأهالي الصعيد في برنامجه، وقال في فيديو: "أقدم اعتذار واضح وصريح لا لبس فيه لكل أهالينا في الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللى بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة".

وأضاف الإعلامي: "أنا أكتر حاجة تضايقنى فى الدنيا إن واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة".

اقرأأيضًا: بحكم المحكمة.. رامز جلال ”مكمل” بعد إنهاء الخصومة مع نقيب الإعلاميين

وتابع الإعلامي: "والله ما قصدتش الإهانة أبدا، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فانا بقول لكل صعيدى وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساسا من الصعيد مرات أخويا من الصعيد وبتشرف بيها وبالنسب دا".