الرئيس السيسي: النقل في مصر هيتكلف 100 مليار دولار
قال الرئيس عبد الفتاح السيسي، "إن حادث قطاري سوهاج، ألمنا كلنا ووجعتنا كلنا.. كلنا بنوضب بيوتنا أحيانا وبعضنا بيوضب بيت جديد بس يا ترى اللي بيوضب بيت جديد أسهل ولا اللي بيوضب القديم اللي قاعد فيه أسهل".
وتابع الرئيس السيسي، "الـ2000 كيلو سكة حديد مش هتحسوا بيهم غير واحنا بنفتتحهم، ولكن اللي بنعمله على الشبكة القديمة الـ10 آلاف كيلو بنعملهم"، ونريد أن نوجه المواطنين للتحرك عليهم، مستكملا حديثه" ومانقدرش نقول للناس استحملونا لحد ما نخلص المشروع، وإحنا بنعمل ده هيحصل تأخير على الناس بس الناس لازم تستحمل".
وأكد الرئيس خلال المؤتمر الصحفي بطرق الملاحة التابع لهيئة قناة السويس، أن الانظمة الحديثة قادرة على تأمين الحركة على السكة الحديد في ظل الظروف الراهنة، ولكن الجزء الذي لم يتم تنفيذ الأنظمة الحديثة عليه، يتدخل به العامل البشري، ويحدث به مشاكل.
وأشار الرئيس، إلى أن النظم الموجودة تستطيع تأمين الجزء الذي لم يدخل به النظام الجديد، مضيفًا "الجرار اللي خبط في القطر المفروض يكون فيه معدات توقفه من غير ما حد يتدخل".
وتابع الرئيس عبد الفتاح السيسي قائلا: "إحنا يا نوقف القطارات خالص يا نوقفها بشكل نسبي ويكون في تأخير أو نخليها زي ماهي ونتحمل الخسائر، ولكن مش هنقدر نتحمل الخسائر.. منقدرش نشيل ذنب روح إنسان.. لكن وقت ما أقولك خلصنا المشروع تعالى أسالني مسألة سياسية وفنية وكل اللي أنت عاوزه.. النقل في مصر هيتكلف 100 مليار دولار.. إحنا حاجة حلوة أوي بفضلك يارب".
