رجب بكار يدافع عن المهدي سليمان ويفتح النار على مدرب بيراميدز: أنت كذاب وبتاخد أوامر

هاجم رجب بكار، لاعب فريق سيراميكا كليوباترا، وبيراميدز السابق، المدير الفني لبيراميدز رودلفو أروابارينا، بسبب أزمة المهدي سليمان حارس الفريق وابتعاده عن المشاركات.

وكتب بكار عبر حسابه بموقع التواصل الاجتماعي فيس بوك: "مش من العادة إني أتكلم في حاجة متخصنيش ولكن هنا لازم أقول كلمة حق لآني مريت باللي بيعيشه واحد من أحسن الحراس في مصر وهو المهدي سليمان.. هنا أقول للمدير الفني إنك كذاب وبتاخد أوامر مش تعليمات عشان خايف على أكل عيشك زي اللي قبلك في وجود هذه الإدارة، واللي اتصدمت في أشخاص ليه باع وتاريخ في مصر ولكن للأسف بردوا بتاخد تعليمات".

وأضاف: "الأهم والمهم مهدي سليمان عنده حق في كل اللي قالوا وده مش دفاع والله عنه ولا اصطياد مني، أنا ليا وقت وهقول كل اللي حصل لأني مينفعش منظومة بالحجم ده تدار بالسوء ده وللعلم الأغلب في الفرقة لعيبة كبيرة وعارفه الدنيا ماشيه إزاي، بس للأسف الملاك في النادي مش فاهمين ولا حد مننا عارف يتواصل معاهم عشان الكل يطلع اللي عنده لأن في كبت عند ناس كتيرة موجودة في المنظومة دي وشكرًا".

وأكمل: "عمرومرعي عنده أكتر مني بكتير وناس كتير تنصحني وتقولي لا وده أنا مقدرهم لخوفهم عليا ولكن كلمة الحق ومساندة صديق ليا أهم بكتير من أي حاجة عندي وربنا يعلم ما في القلوب".

اقرأ أيضًا: المهدي سليمان: أتعرض للظلم في بيراميدز وأفشة واجه نفس الموقف قبل رحيله للأهلي

وكان المهدي سليمان قد هاجم المدير الفني لبيراميز، خلال تصريحات ببرنامج "الماتش" قائلًا: "لو نوير في بيراميدز هذا الموسم لن يلعب.. وتم إبعادي باتفاق يعرف الكل أطرافه".

طالع أيضًا: بعد هجوم المهدي سليمان.. مدرب بيراميدز: أنا صاحب القرار وشريف إكرامي مصدر أمان