”اتجوز عليا بفلوسي”.. دعاء تستغيث بمحكمة الأسرة لتخلع زوجها

لجأت دعاء، زوجة في الثلاثين من عمرها، إلى محكمة الأسرة مصر الجديدة، لتنفصل عن زوجها بعد أن أُغلقت أبواب الصبر والتحمل أمامها، بعد زواج دام 4 سنوات، لم يخل من الخلافات الزوجية.

تزوجت دعاء، من زميل العمل الذي وعدها بالحب والهناء في عش الزوجية، فأمنت به وبمشاعره ولم تستمع لوالدها واستجابت لصوت قلبها وتزوجت زميلها من الطبقة الفقيرة.

وكانت الصدمة التي حطمة ثقتها بنفسها وبزوجها، وهدمت بيتها الذي جاهدت كثيراً لتحافظ عليه، دون جدوي، ما أن وجدت نفسها أما باب محكمة الأسرة تستغيث بالقاضي ليفرق بينها وبين زوجها الذي تزوج غيرها عرفيًا بمالها الذي أعطته إياه.

وقالت الزوجة أمام قاضي محكمة الأسرة: "بعد جوازنا حصلتلنا مشكلة بسبب الخلفة، وكشفنا إحنا الاتنين وطلع العيب من عنده، وهو كان حالته المادية صعبة، وأنا مستوي أهلي مادياً أحسن بكتير، وقفت جنبه وساندته من ورا أهلي، وبعدها بفترة أتعرض لحادثة وقعد علي كرسى مكنش يقدر يمشي، ومتخلتش عنه وفضلت جنبه وصرفت عليه جزء من ورثي بتاع أهلى، لحد ما رجع يمشي تانى، وخد فلوسى راح صرفها على جوازة عرفي".

وأضافت دعاء: "اتجوزت من 4 سنين من شاب زميلي في الشغل وكان مستواه المادي صعب جداً، بس اتعلقت بيه ووالدتى هي اللي اقنعت والدى وأهلى إنهم يوافقوا عليه لأنها مش بترفض ليا طلب، ووافقوا فعلا، ووالدتى هى اللي ساعدته في تجهيز الشقة وصرفت علي الجوازه كلها، من ورا والدي عشان تفرحني وتفرح بيا، واتجوزنا وكانت في البداية حياتنا مستقرة؛ وكل اللي يطلبه يلاقيه، لحد أول مشكلة كانت بسبب الخلفة، وعرفنا إن عنده مشكلة محتاجه علاج عشان يعرف يخلف، ووقفت جنبه طبعا وقلتله مش مهم خلينا مع العلاج".

اقرأ أيضًا: ”ضربني بسكينه”.. أقوال المجني عليه في ”خناقة” بالدقهلية

وتابعت الزوجة في دعواها: "لحد ما حصلتله حادثة وقعد على كرسي، وكان محتاج عملية غالية عشان يرجع يمشي تاني، من غير تفكير إتنازلت عن جزء كبير من ميراثي وعالجته، ورجع يمشي تاني أحسن من الأول كانت الفرحة مش سايعاني بعد ما خف لكن فرحتي مكملتش، صدمني لما أخد باقي فلوسي واللي حلتي وراح أتجوز بيهم عرفي بنت شغالة في كافيهات الليل"

وأكملت الزوجة في دعواها: "كنت هتجنن وطبعا اتخانقت معاه، بدل ما يعتذر ويستسمحني، رفع صوته عليا وبجح، فطردته من الشقة بتاعتي، لأن بابا كان كاتباها بإسمي يوم جوازنا"، ورفعت دعوي خلع على زوجها لاستحالة العشرة بينهما، وما زالت القضية تنظر في محكمة الأسرة بمصر الجديدة ولم يصدر فيها أي قرار.