”كنت بعمل حاجات غلط”.. سعد الصغير يعترف لأول مرة على الهواء

حل المطرب الشعبي سعد الصغير ضيف المخرجة إيناس الدغيدي في برنامجها "شيخ الحارة والجريئة" مساء أمس الخميس المذاع عبر شاشة قناة القاهرة والناس الفضائية.

وأثار سعد الصغير جدلًا كبيرًا خلال تصريحاته واعترافاته في البرنامج حيث قال: "كنت بشرب وبغلط وابني عارف إن أبوه عمره ما اتجوز عرفي ولكن عايزه يبقى أحسن مني".

وتابع قائلًا: "كل أخطائي بسبب الأفراح ولكن دلوقتي امتنعت عن الشرب وكل شيء غلط.. وعايز ابني ميبقاش زيي ويبقى أحسن مني وأنا حذرته وقلت له أبعد عن الحاجات الغلط ليحصل في أختك".

وأضاف سعد الصغير: "وأنا أذيت نفسي في الماضي بس عقلت دلوقتي.. ومينفعش ابني يغلط لأني هيحصل في أخته ولو بيحب بنت يتجوزها علطول وميلعبش بيها، ولو جاتلي بنت صاروخ مش هرتكب غلط وهبص لأبني محمود".

اقرأ أيضًا: حلمي بكر يكشف قصة زواجه من سهير رمزي وطلاق خالة فنانة شهيرة

وتحدث سعد الصغير عن علاقته بالسوشيال ميديا في تصريحاته التلفزيونية وقال إنه فاشل في استخدامها ولا يعرف سوى إرسال رسائل صوتية، موضحًا أن أكثر شئ اكتشفه فترة كورونا أنه مقصر في حق أولاده.

وعن أمنياته قال: "عايز ألغي سعد الصغير المطرب وأرجع سواق تاكسي، صعبانة عليا نفسي من ساعة وفاة أمي.. عشان لما أمي ماتت كان لازم أعمل العزاء في دار معينة عشان الفنانين ييجوا، الموضوع أثر فيا من ساعتها".