عبد الناصر زيدان يزغرد على الهواء.. وبسمة وهبة: دي حاجات ستات

فاجئ الإعلامي عبد الناصر زيدان، مضيفته الإعلامية بسمة وهبة بـ"زغرودة" على الهواء.

جاء ذلك خلال لقائه ببرنامج "العرافة" على شاشة "المحور"، مساء السبت، حيث سألته بسمة: "مرة لبست طرحة، ومرة لبست طاسة على راسك، ومرة تزغرد، ومرة ترقص على الهواء.. الناس بتقول هو عبد الناصر زيدان عاوز إيه، شهرة ولا تريند، إنت بتعمل كده ليه".

اقرأ أيضًا: زيدان يكشف سر غضبه من إكرامي: ده شريف كريازي.. لو اتشاطت عليه ثلاجة هتدخل

وردّ عليها عبد الناصر قائلًا: "أنا تميزت بالزغرودة لإن مش أي راجل يعرف يزغرد.. أنا ممكن أزغرد علشان فرحان بالعرافة..هل فيه شيء في الشرع يقول ده عيب".

وأضاف: "أنا فرحان إني طالع في برنامج هيكسر الدنيا"، فقاطعته بسمة: "الحاجات دي مش المفروض الراجل يعملها.. إحنا متعودين إن دي حاجات ستات، كونك تعمل كده يبقى إنت عاوز تجذب الانتباه لك".

اقرأ أيضًا: هل الاحتلام في نهار رمضان يُبطِل الصيام؟.. مفتي الجمهورية يجيب

ورّد عبد الناصر: "مش عيب إني أعمل حاجة غير عادية، ده اسمه إبداع.. أنا بوصل رسالة، يوم ما لبست الطرحة كنت بوصل رسالة والناس فهمتها".