منة جلال تطالب حلا شيحة بالاعتزال: ”الوسط الفني خط أحمر”
طالبت الفنانة منة جلال، من الفنانة حلا شيحة بإعتزالها الفن، ووجهت لها رسالة نارية تهاجمها من خلالها بعد تصريحاتها عن مشاهدها في فيلم "مش أنا" وهجومها على تامر حسني والفنانين.
وكتبت منة جلال، عبر حسابها الشخصي بموقع التواصل الاجتماعي فيسبوك: "وانتي راجعة الفن مكنش حرام ودلوقتي بقى حرام، الفن هو اللي رجعك للناس، مهرجان الجونة هو اللي خلاكى تتجوزى تانى".
وأضافت: "الوسط والزملاء والمنتجين هما اللي رجعوكى تامر حسنى اللي انتى بتقولى عليه بوش واحد مش واخد الفن صفقة انتى رجعتي الفن مش ببلاش الفن والوسط الفتى خط أحمر يا أستاذة حلا اعلنى اعتزالك، وهو انتي ماعلتنيش ليه انك اعتزلتى و انتى بتتجوزى و لما الفليم حرام و مش عجبك كله حرام رجعى أجرك اللي اخدتية من الفليم الحرام".
وكانت فاجئت حلا شيحة الجمهور بمنشور عبر حسابها بموقع "انستجرام"، كتبت فيه "أنا اتفاجئت جدًا بنزول كليب يجمع مشاهد متفرقة من الفيلم في أيام ذي الحجة المباركة، وخصوصًا بعد آخر بوست نزلته وضحت فيه أنا إيه، واتفاجئت أكثر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام، ورد الصيف اللي فات، وأكد لي أنه هيحترم رغبتي".
ووجهت حديثها لزملائها في الفن كاتبة: "أنا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف، بتكلم من قلبي الكليب ده ميرضيش ربنا"، مشيرة إلى أنها بكت كثيرًا بعد مشاهدتها لتلك المشاهد حيث أوضحت أنها كانت زلة منها وتابت.
اقرأ أيضا: عاجل | أول رد من تامر حسني على هجوم حلا شيحة بسبب كليب ”بحبك”
واستطردت:"أنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط، أنا مش هتكسف أنا تبت من المشاهد دي وهي لا تصح وأنا غلطت وبصلح، والفن اللي بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".
