”بشرب خمرة وأعاني من هذا المرض”.. تصريحات صادمة لـ حمو بيكا على الهواء

حل مطرب المهرجانات حمو بيكا ضيف برنامج الوسط الفني بقناة "الحدث اليوم" وأثار ضجة وجدلًا كبيرًا بتصريحاته بعد إخلاء سبيله من النيابة.

وقال حمو بيكا في حواره التلفزيوني مساء أمس الجمعة إنه لا يتناول المخدرات كما يقول البعض، ولكنه يشرب الخمر بين حين والآخر، وعلق قائلًا: "ما فيش حد في مصر مبيشربش ويسكي".

وتابع: "أنا بقالي فترة كبيرة مبشربش أي حاجة بسبب معدتي بايظة خالص.. بقالي 3 شهور مبطلها.. وحتى لما كنت بشرب مش دايمًا على طول.. كل عشرين يوم في مناسبة مثلًا، أنا بنصح الناس متقربلهاش عشان هتسبب مشاكل في المعدة عندهم".

وكشف حمو بيكا أيضًا عن إصابته بمرض مزمن وقال: "قعدت 6 شهور في القاهرة قعدت حياتي جميلة ولما نزلت إسكندرية معرفش إيه حصلي.. والضرب بقى بيجي من كل النواحي.. والزعل غلط عليا وأنا أصلًا مريض كرون ده مرض مناعي، عندي مناعة زيادة فبيأثر على عضو في جسمي".

اقرأ أيضًا: منتظرينكم.. محمد الشرنوبي يروج لمسرحية ”ياما فى الجراب ياحاوي”

وخلال الحلقة هاجم الفنان عصام كاريكا، مطرب المهرجانات حمو بيكا في مداخلة هاتفية، واتهمه بسرقة لحنين من ألحانه، ووضعها دون وجه حق على أغنيتين من أغنياته، وعلق: "اكتشفت أن حمو بيكا سارق لحنين من بتوعي، واحدة بتاعت أغنية البسكلته اللي كنت عاملها للفنان محمد سعد، وتعدي فترة وألاقيه واخد لحن أغنيتي التانية بأغنية بتاعت بوم بوحه، وبعدها تواصلت معاه وقالي هشوف".

ليرد عليه حمو بيكا قائلًا: "أنا كلمت شركة مزيكا وقالت لي إن الألحان دي بتاعتهم والحقوق الملكية خاصة بيها، أنا أخدت اللحن من أخويا الكبير ولو عايزني أشيله من على يوتيوب وأعتبرها مش موجودة".