بعد إنجاز طوكيو 2020.. فريال أشرف تهدي الذهبية لـ السيسي
حرصت فريال أشرف، لاعبة منتخب مصر للكاراتيه، والحاصلة على الميدالية الذهبية في دورة الألعاب الأولمبية طوكيو 2020، على توجيه رسالة للشعب المصري، وعلى رأسهما الرئيس عبد الفتاح السيسي.
وكتبت فريال يوسف عبر صفحتها الشخصية على موقع التواصل الاجتماعي "فيسبوك": "الحمد لله دائمًا وأبدًا.. أحب أهدي الفوز بالميدالية الذهبية لبلدى مصر وفخامة رئيس جمهورية مصر العربية عبد الفتاح السيسى، والسيد وزير الرياضة أشرف صبحى، واللجنة المصرية الأولمبية وكل أسرة الكاراتيه، والاتحاد المصرى ورئيس الاتحاد كابتن محمد الدهراوى وجهاز الرياضة العسكرى باكمله".
وأضاف: "أحب أشكر كل واحد وقف معايا من أول مابدأت كاراتية ووقفت قدامه على البساط لحد اللحظة دي، وأحب أن أخص بالشكر كابتن خالد فضل، لأنه كان دايمًا جانبى وبالأخص فى أصعب فترة بمر بيها، فى عز كل المشاكل اللى كنت بمر بيها فى أخر فترة وبالرغم عمله كمدير مالى مصر للطيران باليونان وعدم تواجده داخل مصر ولم يبخل علي بأى مجهود وساعدنى بكل ماهو متاح فى ايده وسافرت وعسكرت معاه قبل البطولة ومسبنيش ولالحظة لحد أخر ماتش ليا وكان فضله عليا كبير بعد ربنا".
وتابعت: "ايضا أخص بالشكر كابتن محمد على، مخطط الاحمال ومدرب البدنى وتأهيل الإصابات روحتله وأنا عندى إصابة ومكنتش بعرف أقف على رجلي بسببها، وتعب معايا وقدر فى وقت قليل جداً اقف على رجلي، واطلع احسن ما عندى وتعبته معايا وكان بيمرنى حتى وأنا فى اليابان شكراً".
وواصل: "اخيراً أحب اشكر منتخب مصر دكتور مراد عاصم مدير فنى المنتخب على دعمهم المستمر، مدرب المنتخب كابتن هانى قشطة، اللى عمل اقصى ماعنده فى الفترة اللى فاتت علشان اوصل للميدالية تعبنا مع بعض كتير جدا من ٢٠١٩ لحد دلوقتى ومرينا بحاجات اكتر".
واختتم: "كابتن تاتو رغم انه مش مدرب الفريق ولكن كان دايماً بيساعد وكنا فرقة وحدة، الكابتن احمد بياضة مخطط الاحمال والمعد البدنى للمنتخب كنت نعم الاخ والصديق وكنت معايا فى كل وقت فى مصر وخارج مصر وفى معسكر اليونان شكراً على كل حاجة".
