هاني شاكر يهاجم محمد رمضان: ”مش لازم كل أغانيك تبقى تفخيم في نفسك”
انتقد نقيب المهن الموسيقية المطرب هاني شاكر، الفنان محمد رمضان، بسبب الأعمال الغنائية التي يقدمها، وقال إن "رمضان"، لم يلتزم بإقرار الالتزام بسلوكيات المهنة.
وقال أمير الغناء العربي هاني شاكر، خلال لقائه في برنامج MBC Trending: "محمد رمضان من حفلتين مضى إقرار وقال لي إنه هيلتزم باللبس والكلام لكن واضح أنه مالتزمش".
اقرأ ايضا: كواليس زيارة كاظم الساهر لسهير البابلي في المستشفى
وأضاف قائلًا: "إحنا مش جهه منع في النقابة لكن في جهه مسؤولة عن اللبس والكلام وهي المصنفات الفنية هما المنوطين بيه و دكتور خالد عبد الجليل عنده الضبطية القضائية اللي يقدر ينفذ بيها أي قرار هو عايزة".
وعن منع "رمضان"، من الغناء قال المطرب هاني شاكر: "هو عضو نقابة مينفعش لما يجي يقول أنا عايز اطلع على المسرح أغني اقوله لا زي ما أنا هاجي أمثل هروح لدكتور أشرف زكي أقوله عايز أمثل مش هيقولي لا متمثلش".
وعن إقرار سلوكيات تقديم الأعمال الغنائية، أوضح "شاكر"، قائلا: "لبسه وكلامه أنا دة عملته كسابقة مني لمحمد رمضان لمصلحته وخوفي عليه لاني عايز انصحه بالافضل هو ملتزمش في جهات تقدر تحاسبه".
واختتم نقيب المهن الموسيقية، حديثه، قائلا: "مش كل حاجة في العالم تتعمل تبقى مناسبة لينا أنا واحد من آلاف بيسمعوه وبيشوفوه وبتكلم عن الفن اللي نفسي أوصله للناس وعايز ولادي وأحفادي يشوفوها، اللون اللي بيقدمه محمد رمضان لون استعراضي ومش كل اللبس مناسب لينا في مصر ومش كل الاغاني مناسبة هو مش بيقول كلام خارج لكن كلامه فيه تفخيم وتضخيم لنفسه وكنت قلتله كدة بالصدفة في مكان وقلتله خد بالك أن مش لازم كل اللي تقوله أنك نمبر وأن بس هو ليه طريقه تفكير تانية".
