حمو بيكا: ”عايزنا نشتغل برا مصر ونسيب بلدنا” (فيديو)
رد مؤدي المهرجانات حمو بيكا، على قرار نقابة المهن الموسيقية بمنع مؤديين المهرجانات عن العمل.
وقال حمو بيكا، في لايف عبر حسابه الشخصي على موقع التواصل الاجتماعي "فيسبوك" :"بشكر نقابة المهن الموسيقية ليكم الاحترام والتقدير، أنا فرحان وسعيد لأني بسمع نفس القرار بقالي خمس سنين، اتكلمت كتير وتعبت واتعملي قضايا ومحاضر، أنا معايا ناس فاتحة بيوت كتير، ناس كتير لا تصلح للغناء وبيغنوا ومعاهم كارنيه النقابة".
اقرأ أيضًا.. خاص.. مادلين طبر: ”انتظروني في فيلم رعب مفاجأة”
وتابع حمو بيكا: "مش هقول أسماء عشان دول صحابي وواكلين مع بعض عيش وملح، أنا صوتي عاجبني وعاجب الناس وبيسمعوني خدوا رأيهم قرار الوقف، لو مش عايزينا نبطل غنا، في حفلات الساحل الشمالي التصريح بتاعى بـ 15 ألف جنيه كنت بدفع ومابتكلمش".
وأضاف حمو بيكا: "الناس بتستقبلنا برا مصر أحسن استقبال، عايزنا نشتغل برة مصر ونسيب بلدنا، في اختبارات نقابة الموسيقيين قدمت فيش بتاعي ونضيف الحمد لله وغنيت أغانيا ومع ذلك سقطت، حسبى الله ونعم الوكيل فى كل واحد كان سبب فى قطع عيشنا".
وأعلنت نقابة المهن الموسيقية عن مؤديين المهرجانات الممنوعين عن العمل، في بيان رسمي وشمل 19 مطربًا، وهم حمو بيكا، وأحمد قاسم الشهير بـ فيلو، وحسن شاكوش، وكزبرة وحنجرة، ومجدي شطة، ومصطفى زكريا الشهير بـ مسلم، وعمرو حاحا، وعنبة.
بالإضافة إلى أبو ليلة، العصابة، حمو طيخة، الزعيم، شكل، علاء فيفتي، وزة مطرية، شواحة، فرقة الكعب العالي، وريشا كوستا وولاد سليم، وسمارة.
وقالت الموسيقيين: "يُمنع كل من ليس عضوًا في النقابة، وغير مصرح له بالعمل لحين تصحيح أوضاعه واجتياز الاختبارات".
