نجيب ساويرس يعترض على قرار الموسيقيين: «ربنا بس اللي يمنع حد من الغناء»
انتقد رجل الأعمال نجيب ساويرس، قرار نقابة المهن الموسيقية بمنع مطربي المهرجانات من الغناء.
ونشر ساويرس، تغريدة عبر حسابه الشخصي بموقع التدوين المصغر "تويتر" وكتب: "ربنا بس اللي يمنع حد من الغناء، بنحب الغناء الشعبي.. قرار معيب".
وتابع نجيب في تدوينة أخرى: "أول مرة أشوف نقيب للمغنيين فخور جدًا بمنع الغناء.. الجمهور اللي يقرر يسمع مين وميسمعش مين.. مش النقيب".
اقرأ أيضًا.. خاص.. مادلين طبر: ”انتظروني في فيلم رعب مفاجأة”
وفي سياق أخر علق مؤدي المهرجانات حمو بيكا، على قرار نقابة المهن الموسيقية بمنع مؤديين المهرجانات عن العمل، في بيان رسمي وشمل 19 مطربًا، وأبرزهم حمو بيكا، وأحمد قاسم الشهير بـ فيلو، وحسن شاكوش، وكزبرة وحنجرة.
وقال حمو بيكا، في لايف عبر حسابه الشخصي على موقع التواصل الاجتماعي "فيسبوك"،: "أي مسؤول في مصر لازم يدعمنا بعد قرار الوقف، سفرنا برا مصر، وعملنا حفلات خارج مصر، لسه راجع من دبي والسعودية، عمري ما شوفت كده في حياتي، الناس بتستقبلنا وبترحب بينا وبنشتغل، شوية شباب حبت المزيكا ونجحت".
وتابع حمو بيكا: "مش بعد ما تخلوا الجمهور يسمعنا، أكتر من 100 مليون، توقفونا، ناخذ آراء الجمهور، لو الجمهور اللي بيسمعنا مش عايزينا نغني، إحنا هنوقف غناء والشغل، أي مسؤول في النقابة إحنا بنحبكم ونحترمكم، وهنفضل نحب الأستاذ هاني شاكر من غير أي شئ، نجحنا أو سقطنا، لكم الاحترام لكن حرام، محتاجين حد يقف معانا".
وأضاف: "ربنا لما بيرزق شخص ويكرمه، لو العالم كله وقف أمامه، ربنا هيكرمنا".
وأعلنت نقابة المهن الموسيقية عن مؤديين المهرجانات الممنوعين عن العمل، في بيان رسمي وشمل 19 مطربًا، وهم حمو بيكا، وأحمد قاسم الشهير بـ فيلو، وحسن شاكوش، وكزبرة وحنجرة، ومجدي شطة، ومصطفى زكريا الشهير بـ مسلم، وعمرو حاحا، وعنبة.
بالإضافة إلى أبو ليلة، العصابة، حمو طيخة، الزعيم، شكل، علاء فيفتي، وزة مطرية، شواحة، فرقة الكعب العالي، وريشا كوستا وولاد سليم، وسمارة.
وقالت الموسيقيين: "يُمنع كل من ليس عضوًا في النقابة، وغير مصرح له بالعمل لحين تصحيح أوضاعه واجتياز الاختبارات".
