أبرز تصريحات السيسي اليوم خلال مناقشته مع وزير النقل بمؤتمر أسوان.. فيديو

قاطع الرئيس عبد الفتاح السيسي، كلمة المهندس كامل الوزير، وزير النقل والمواصلات، قائلا: "المفروض ميبقاش فوق أي سقف في جميع المحطات التابعة للسكك الحديد حتة تراب، على أرض المحطة ميبقاش في ورقة مرمية ولا لمبة محروقة ولا نقطة زيت.. إزاي معرفش أنا مالي دي مسؤولية المحطة.. ولازم كل العمال تعمل شغلها على أكمل وجه".

وأضاف الرئيس السيسي: "الناس كانت بتضرب القطر بالطوب علشان مش عاجبهم شكله التعبان.. لازم نطور وننفذ كل التعليمات دي.. أنا بصحى الساعة 5 وهاجي أشوف الحاجات دي بنفسي".

وقال الرئيس السيسي، إنه هناك فرق بين الجرار الصالح والقطار كالجديد، "يعني الجرار الصالح ممكن يعطل في أي وقت لكن كالجديد لا ".

اقرأ أيضًا:الرئيس السيسي: «احنا مش بنطور للسائحين.. المواطن المصري في المقام الأول ويستحق»

ووجه الرئيس السيسي حديثه للمصريين: "ماترضوش علينا كده وعلى بلدكم التدهور والفساد تاني.. وماترضوش بأقل من التطوير والمستوى اللي احنا بنحققه حاليا".

وتابع الرئيس عبد الفتاح السيسي، "محدش يقول السكة الحديد تعبانة ليه.. الحكومة مش كويسة ومش عارفين يصلحوا.. لا هما عارفين لكن هيصلحوا منين.. المشكلة عندنا في التسعير إحنا بنقدم دعم كبير جدا للناس وبنطور ومش بنحمل حد تكلفة حاجة".

وأضاف الرئيس السيسي خلال كلمته بافتتاح مصنع كيما بأسوان في إطار خطة الدولة لتنمية الصعيد، "البلد كان فيها سكة حديد تعبانة ومواني تعبانة والعلاج عايز فلوس ولما تتوافر الفلوس هنقدر نرجع كل ده جديد تاني".

وتابع الرئيس السيسي: "مش هيبقى في عربية قديمة ولا جرار قديم تاني على السكة الحديد على مستوى الجمهورية في مختلف المحافظات"، مستكملا :"أنا عايز يوم القيامة ربنا يشيلني كل حاجة أنا عملتها.. احنا بنحط أسس لدولة جديدة لتكبر وتنمو كما نأمل".

 

وشهد الرئيس عبد الفتاح السيسي اليوم بدء فعاليات افتتاح مشروعات مصنع اليوريا ونترات الأمونيا بمنطقة كيما2 للأسمدة بمحافظة أسوان، التي انطلقت بتلاوة آيات من القرآن الكريم.

 

ويتفقد الرئيس السيسي صباح اليوم مصنع اليوريا ونترات الأمونيا بمنطقة كيما بمحافظة أسوان، كما يقوم كذلك بتفقد محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديد.