الرئيس السيسي: «العمل الدرامي بيسجل وقائع مش بنعيشها»
شكر الرئيس عبد الفتاح السيسي، فريق عمل رسالة نور الدرامي عن الشهيد، والذي يضم الفنانة ماجدة زكي والفنان خالد الصاوي وعلي الحجار وهبة مجدي، قائلا: "العمل الدرامي دايما بيدي فرصة أنه يسجل وقائع مش بنعيشها، لكن بالطريقة دي بتدخل كل بيت وبيشوفوا التمن اللي بتدفعه الأسر بعد ما ربت وعملت وكبرت وقدمت شهيد أو مصاب بعد ما كان ملو الدنيا بقى شهيد".
وقال الرئيس السيسي خلال فعاليات الندوة التثقيفية الـ 35 للقوات المسلحة، "عطاء وخلود" بمناسبة يوم الشهيد:" يا مصريين الفقرة الدرامية دي بتورينا أد ايه فيه تمن كبير اتدفع عشان كلنا نعيش وأقل تمن نقدر ندفعه إننا نحافظ على اللى ضحوا من أجلهم وهم زينة شباب مصر".
وأضاف السيسي "كل ظباط الجيش والشرطة بيقولوا نفس كلام نور في رسالة نور، لأنهم عايشين حالة محتملة للشهادة السلاح في إيدي وأموت ومصر تعيش".
وتابع: "الدراما فعلا بتعكس الواقع اللي شبابنا عايشينه عندهم زوجة وأولاد وأهل ولكن بيفكروا في بلادهم، إذا جابت الشئون المعنوية القصص لكل شهيد هنجد كنز من بيوت مصرية عادية متوسطة أو حتى أقل معندهمش غير نفسهم أكتر حاجة يقدموها".
وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قاموا بها في سبيل الحفاظ على الوطن.
اقرأ أيضًا: الرئيس السيسي يشاهد فيلما تسجيليا بعنوان «الجيش الأبي»
وتأتى الاحتفالات تزامنا مع ذكرى استشهاد الفريق أول عبد المنعم رياض يوم 9 مارس 1969.
