بعد تصدرها تريند جوجل.. تامر حسين يروج لأغنية «اللي يمشي» للهضبة عمرو دياب
يواصل الفنان تامر حسين، الترويج لأحدث أعماله الفنية، أغنية «اللي يمشي يمشي» للمطرب عمرو دياب، وأعرب الشاعر تامر حسين عن سعادته بتصدر الأغنية تريند رقم 1 في مصر.
وشارك الفنان تامر حسين، مع متابعيه عدة صور له برفقة المطرب عمرو دياب وفريق عمل أغنية «اللي يمشي يمشي»، عبر موقع التواصل الاجتماعي «فيسبوك» وعلق عليها قائلا: «أولاً الحمد لله على رد الفعل المُبهر والسريع..
ثانياً الراجل ده @amrdiab كل أغنية بتنزل معاه ليا فـ أول السيزون بـ أحس كأنها أول أغنية بينا ونفسياً ببقى زى الطالب اللى فـ ثانوية عامة عندى ضغط وستريس إني أبقى متغير عن السنه اللى قبلها وأعمل أحسن ماعندي وأتفوق على نفسى وأضيف له حاجه فى تاريخه الكبير اللى بعتز بيه وكُنا موفقين الحمد لله فـ الإختيار ان الأغنية تشبه مشاعر وتجارب كُل البنى أدمين ومست قلوب الجميع عملنا سرد لمجموعة من الناس ونماذج فى حياتنا جميعاً ودى يمكن أول مرة نعمل zoom على التفاصيل دى وربنا وفقنا أنا ومدين وتوما ومهندس الصوت المُخلص أمير محروس وصديقنا اندرو داود اللى سجل الغُنا هو وشيرى شُكرى الناس كُلها اشتغلت بـ حُب وإخلاص لنجم كبير كُلنا عارفين ومقدرين قيمته والمسؤلية اللى عليه أمام جمهور كبير وعظيم يستحق كُل التقدير والاحترام شكراً عمرو دياب اللى حقيقى بنزوله بيفتح السوق للكُل وبيعمل روح ومُنافسه شريفة تفيد المُستمع وشكراً للجمهور المحترم اللى بيفهم ويحس بـ الأغنية الحلوة وبيقدر صُناعها وحقيقة انا بعتبرها من أهم اغانيا مع الفنان عمرو دياب".
اقرأ أيضًا: عادل إمام ينعى صديقه سمير صبري: «مع السلامة»
وفي سياق متصل طرح الفنان عمرو دياب، أحدث أعماله الغنائية، اليوم، وهي أغنية بعنوان «اللي يمشي يمشي»، وذلك عبر تطبيق «أنغامي».
وتعد أغنية «اللي يمشي يمشي» من كلمات تامر حسين، وألحان مدين، وتوزيع توما، ومكس وماستر أمير محروس.
اقرأ أيضا: شاهد آخر لقاء جمع بين سمير صبري وحسن يوسف وزوجته شمس البارودي
