شذى عن ظهور حسن شاكوش مع عمرو أديب: «كوميديا سودا»

أعربت الفنانة شذى عن استيائها من لقاء نجم المهرجانات حسن شاكوش، مساء أمس مع الإعلامي عمرو أديب في برنامج "الحكاية".

وكتبت شذى، عبر حسابها الشخصي بموقع التواصل الاجتماعي فيسبوك: "لقاء حسن شاكوش النهاردة ده بنسبالي كوميديا سوداء وهبد غير طبيعي !، كنت بضحك و عايزه أكسر التليفزيون من كميه الاستفزاز و بالأخص الجزء بتاع الرد إن حماقي أصلا سارق اللحن من أغنيه تركي ؟؟؟ وأساسا الأغنيه التركي نازله بعد أغنيه حماقي بسنتين على الاقل ! و إن أغنية حماقي من 2012 جايبه 16 مليون بس !!!!؟؟؟؟؟؟!".

وتابعت: "نقف بقا هنا أولا لما نجحت أغنيه وسارق لحنها طيب كنت من باب العلم بالشئ ثقف نفسك وأعرف تاريخ اللحن ده ايه و مين اللي واخده من مين !، تاني حاجه قصدك ايه بأغنيه حماقي جايبه 16 مليون بس انك أجمد و كده من حماقي !!! م هو مش معنى إن في هوجه وانحدار في الذوق تتخيل إنك جامد أوي
وتتكلم بتعالي كإنك مغني قصيدة الاطلال !".

اقرأ أيضًا: حسين الجسمي يُعلن نفاذ تذاكر حفلته في مصر

واستكملت: "والله أمثله بجد تكره الواحد في اليوم اللي فكر يسيب فيه حاجات كتير بيحبها علشان يخبط في العالم دي، ولقب فنان ده يتقال على كل من هب ودب وبقى مقياس النجاح و تقدير حجم الموهبه مربوط ب views وحسابات أبعد ما تكون عن المهنية والفن لنا الله والله".