خالد الجندي يحذر من خطورة هذه الأشياء على الطلاب خلال فترة الامتحان - «فيديو»
قال الشيخ خالد الجندي، عضوالمجلس الأعلى للشئون الإسلامية: "كنت أتمنى أن كل القنوات وكل الإذاعات والسوشال ميديا وكل الجرائد والمحطات وكل حاجة في أي حتة تسكت لمدة شهر، عشان ولادنا يعدوا المرحلة ده على خير".
اقرا أيضًا: مستشارة وزيرة التضامن: إطلاق مبادرة ”اتكلمي.. متخافيش” للتوعية ضد التحرش الإلكتروني
وأوضح عضوالمجلس الأعلى للشئون الإسلامية، خلال تقديمه لبرنامج "لعلهم يفقهون"، الذي يعرض على قناة "دي إم سي"، أن أبناءنا في لحظة كفاح وجهاد، مضيفًا أن هذه المرحلة مهمة لأبناؤنا، فيلزم الهدوء والراحة لهم وعدم تشتيتهم بأي أعمال أخرى، موضحًا: " خدوا بالكوا أن أيامنا أفضل من أيامهم بكتيير، لأن أيامنا لما كنا بنمتحن الثانوية العامة والأزهرية مكنش عندنا أي معوقات، لا كان عندنا النت ولا البت ولا الفت ولا الحت ولا كافيهات ولا شيش مرمية على الكازينهات ولا مصايف ولا بلاجات".
اقرا أيضًا: «ساعة لا تخطر على البال يستجيب الله فيها الدعاء».. أزهري يوضح
وتابع "الجندي": "كنا قادرين نذاكر لما الواحد كان يتخنق يروح مسجد يصلي الفجر زي أنا وأقعد أخلص نص المقرر كله لحد صلاة الظهر، كان الجو إيماني ومستقر وهادئ ومتزن مفيش أي نوع من الفتن أو المشاكل".
وأكمل: "ولكن دلوقت تسمع إن ده انتحر وده اتقتلت وده بيحاول الانتحار وده اتمسك وهو بيشم وديا اطلقت، الكلام ده كتيير على الأولاد، لأن الامتحان جي من كلمة محنة يعني شئ صعب، والأمر التاني الحر الشديد، حظهم صعب فالوقت حر تضيق فيه الأعصاب وتتوتر فيه النفوس، وأن فترة الثانوية العامة فترة مراهقة ضيف عليها الحر وضيف عبء الامتحانات والسوشال ميديا وما أدراك ما السوشال ميديا بخلاف مشاكل البيت ده بلوة تانية".
