«بكرهكم كلكم».. دينا المصري تُثير الجدل بمحاولة الانتحار خلال بث مباشر

هددت المطربة دينا المصري، بإنهاء حياتها وقدومها على الانتحار، من خلال بث مباشر على حسابها الشخصي على موقع التواصل الاجتماعي «فيسبوك».

وظهرت «المصري»، خلال البث من داخل سيارتها بمظهر مذري، وأكدت خلاله أنها يئست من الحياة ولم تجد من يقدم لها يد العون دون مقابل لذلك قررت التخلص من حياتها أمام الجميع.

وأعربت دينا المصري خلال البث قائلة: «آخر مرة هتشوفوا وشي، وآخر مرة هتسمعوا الكلام دا، أنا دلوقتي اتصلت بماما علشان أسمع صوتها لآخر مرة بس تليفونها مقفول».

وتابعت: «كلكوا طبعا عارفني كويس، وعارفين إن عمري في حياتي ما ضعفت بالشكل ده، أنا اسمي دينا وعندي 29 سنة، خريجة سياحة وفنادق، مطربة، أنا متربية بين أم وأب انفصلوا من وأنا عندي 7 سنين».

أردفت دينا وقالت: «نزلت اشتغلت من وأنا عندي 9 سنين كل حاجة، بياعة في محل ملابس، في سنترال، خضار وفاكهة، في مصانع، معصرة قصب بنزينة، والدتي اتجوزت بابا اللي رباني أنا وأخويا وحبني أوي، وأنا حبيته بس ما كنتش عارفة إني بحبه أوي إلا لما ربنا افتكره».

اقرأ ايضًا: ديانا حداد تطرح أحدث أغانيها بعنوان «سيد الحمقي».. فيديو

وأضافت: «من بعد ماما ما انفصلت عن بابا وأنا تعبانة، ودايما بدور على حاجة نقصاني في وشوش الناس، في الصحاب، في الحبيب، في الأهل، في الشغل، دايما بدور على أب».

واستطردت دينا باكية: «دايما حاسة إن ضهري عريان من بعده، ومن بعده ما فيش حد عرفني إلا وكان عايز مصلحة، من حبيب أهل، صلة دم، قريب صحاب، عايزين ياخدوا فلوس وحب وحاجات كتيرة، بقالي فترة بعافر بس تعبت وروحت لدكتور نفسي، بقالي فترة بتعالج وباخد منوم ومهدآت وتعبانة بردو».

وانهت دينا حديثها قائلة: «أنا قررت إن أنا أنهي حياتي، قولوا بقى ضعف ولا خارجة عن دينها، فا أنتوا هتحضروا معايا اللحظة دي، بس أفتكروا أنا عمري ما أذيت حد، بس كلكوا أذيتوني، ودمرتوني، أنا بكرهكوا».

اقرأ ايضًا: «دينا الوديدي» تستعد لحفلها في دار الأوبرا