جريدة الطريق رئيس التحريرمحمد عبد الجليل
الجمعة 7 أكتوبر 2022 08:42 مـ 12 ربيع أول 1444 هـ

حسام حبيب يعود للغناء بعد أزمته مع شيرين عبدالوهاب: مكاني السعيد

حسام حبيب
حسام حبيب

يسعى المطرب والملحن حسام حبيب، للعودة مجددًا إلى حياته الفنية، وذلك بعد الأزمة الأخيرة التي تعرض لها مع الفنانة شيرين عبد الوهاب، حيث أعرب عن سعادته لعودته لمكانه المفضل، بعدما ظهر وهو يلعب على جيتاره في أول ظهور منذ أزمته الأخيرة.

ونشر حسام حبيب، عبر حسابه الشخصي على موقع "إنستجرام"، صورته مع الجيتار، صاحبها بتعليق: "العودة إلى مكاني السعيد".

وقالت شيرين، عن تفاصيل حياتها قبل الانفصال: "بقالنا 4 سنوات أنا وبناتى شايفين الويل كنت عايشة مع زوج مش بيشتغل ولا بيخرج ولا بيشوف أهله ولا أصحابه وكل همه حب الامتلاك وكنت محبوسة 24 ساعة في أوضة نومي مش بعمل حاجة، أنا خرجت من الجوازة دى بالوكسة والحسرة لازم أروح أتعالج من آثاره عليا، كنت متكفلة بمصاريف بيته التانى لو عملت أغنية ناجحة أمه هتقول اشمعنى ابنى حسام حبيب عاطل بالوراثة".

وأضافت: "حسام طلب 10% من أرباح شغلى أنا أتجوز قرد وما أرجعش ليه تانى ومش عايزه أعرف حد اسمه حسام تاني، عيالي كانوا هيضربوا بالرصاص قبلها بيومين قاعدين في الأوضة طلع من الدرج علبة فيها رصاص راح مديني رصاصة وقال لي خد دي مني هدية، كان بيضربنى ويسحلنى على الأرض ويشتمنى ولما رجعت له كان بشروط إن كل واحد له بيته بس المشاكل رجعت تانى وأنا عندى مشكلة فى شخصيتى إنى لما بتعصب بأذى نفسى مش غيري".

اقرأ أيضًا.. بعد واقعة كاظم الساهر.. «الموسيقيين»: إعلامي يبحث عن ترند جديد «خاص»

وتابعت: "كنت شبه البدر بقيت شبه حسن أبو السعود بعد ما عرفته"وهو الأمر الذى أثار غضب رشا ابنة الموسيقار الراحل وقالت "عيب وحرام اللى قالته ده فيه عائلة كاملة بتدعى عليكى دلوقتى ده تنمر، والدى كان مريض".

ورد الفنان حسام حبيب، على اتهامات شيرين عبد الوهاب وقال «هيبقى فى إجراء قانونى أنا عمرى ما دافعت عن نفسى أو اتكلمت دا كلام كله مرسل لكن الكلام اللى هرد بيه هيكون بالمستندات كل حاجة بحضرها»، مبررًا صمته طوال الفترة الماضية بقوله «حفاظا عليها وعلى سمعتها وعلى بيتها مكنتش بتكلم لكن دلوقتى هضطر اتكلم وهطلع الحقائق والمستندات».