«كان نفسي حد ياخدني في حضنه».. طالبة جامعية تنهي حياتها قبل تخرجها بـ48 ساعة.. كواليس

أنهت طالبة جامعية في محافظة الدقهلية حياتها بعد تناولها «حبة الغلة السامة» لمرورها بحالة نفسية سيئة، وتركت قبل وفاتها رسالة مؤثرة على حسابها الشخصي« فيس بوك».

تفاصيل الواقعة

ترجع تفاصيل الواقعة عندما تلقى اللواء مروان حبيب مدير أمن الدقهلية، إخطارًا من مدير المباحث الجنائية بورود بلاغ إلى مركز شرطة بلقاس من مستشفى بلقاس المركزي بوصول فتاة تدعى «رنا. ج» تبلغ من العمر الـ 22 عامًا، مصابة بحالة إعياء شديدة وادعاء تناول قرص كيماوي «حبة الغلة السامة» ووفاتها بعد وصولها المستشفى.

وعلى الفور انتقل رجال المباحث الجنائية إلى مكان البلاغ، اتضح مصرع الفتاة وأكدت أهلها أنها كانت تمر بحالة نفسية سيئة وتعاني من اكتئاب وعزلة، وتحرر عن الواقعة المحضر اللازم وإخطار النيابة العمة للتحقيق.

التحريات الأولية لرجال مباحث الدقهلية

كما أكدت التحريات الأولية لرجال المباحث الجنائية، أن الفتاة تركت على صفحتها الشخصية« الفيس بوك» عدد من الرسائل تشير إلى رغبتها في الانتحار وكان آخرها رسالة مؤثرة شرحت فيه ما تعانيه من وحدة وتجاهل من أهلها وأصدقائها.

وقالت الطالبة الجامعية المنتحرة في الرسالة: «أنا حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت أوي وإستحملت كتير أوي بس أنا إنسانه عندي طاقة مش قادرة استحمل كل ده لوحدي، أنا بس كنت محتاجه حد يطبطب عليه وياخدني في حضنه أنا عمري ما حسيت بحنيه أم ولا أب ولا أخوات ولا أصحاب، أنا عايشه لوحدي حرفيًا رغم وجود الناس دي حوليا أنا لوحدي والوحدة وحشة أوي ومُتعبه أوي، أنا اتهلكت وتأذيت واتخذلت من أقرب ناس ليا وفي الآخر يتقالي معلش، محدش يكلف نفسه يفكر فيا ولا يفكر في إحساسي، أعيش ليه، أعيش لمين، أنا في الوقت ده كنت عاوزه بس اللي يحسسني إني أستأهل أتحب وأن حد يفضل معايا عشاني عشان بيحبني .

كما أضافت: «أنا حاربت الناس كلها علشان ابقي كويسة وكل محاولاتي فشلت، اتاكدوا أني موصلتش لهنا بسهولة كده لا والله أنا عافرت عشان موصلش بس للأسف الحزن كان أقوى مني أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرًا أنا كنت لوحدي ودلوقتي لوحدي فأتمنى محدش من أهلي يحضر جنازتي لأني ماشيه زعلانه منهم كلهم ومش مسامحة في حق نفسي أبدا، ادعولي بالرحمة افتكرونى بالخير وأتمنى متنسيش زي ما كنت منسيه وقولوا للشخص اللي ختم نهاية حياتي أنه كان أملي الوحيد وللأسف خذلني، عرفوه إني كنت بحبه عرفوه إني خلاص فارقت الدنيا دي وانا حزينة وزعلانه على نفسي، هيعرف بالصدفة أني موت زيه زي ناس كتير أوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحياة كلها، أدعو لي ربنا يسامحني ومحدش يقولي ماتت كافرة لأن الكُفر هو أني أفضل عايشه مؤذيه ومنسيه ووحيدة».

اقرأ أيضًا: بعد قليل.. نظر إعادة محاكمة متهم في قضية «خلية داعش العجوزة»