ميدو لـ مرتضى منصور: «مش هنسمح الزمالك يبقى رقم 2 تاني»
وجه أحمد حسام ميدو نجم الزمالك السابق، رسالة لمرتضى منصور رئيس القلعة البيضاء بسبب موقف النادي خلال الفترة المقبلة، وحقوقه المالية من الرعاية والبث التلفزيوني.
وقال "ميدو" في تصريحات تلفزيونية: "كان في وقت قبل كده، ناس في البلد عايزين يدوسوا على نادي الزمالك، لصالح الأهلي، والوحيدين في مصر اللي وقفوا لهذا الرجل هما مرتضى منصور وأنا".
وتابع: "وأنا خسرت وظيفتي بسبب الموقف دا، لكن لو حد هيجي على الزمالك خصوصا لو من بره، أنا أول واحد وقفت على الملأ وقولت عمرنا ما هنسمح تركبوا الأهلي علينا".
وواصل: "ووقتها قولت عيب أن رئيس اتحاد الكورة لما الزمالك لعب نهائي إفريقيا محدش عبرنا، ولما الأهلي لعب بعدها بسنة راح ووقف جنب رئيسه في الملعب، وطلعوا طيارات خاصة على حساب الشركة الراعية".
وشدد: "إحنا في نقطة فارقة، وفيه أولوية بتتعمل دلوقتي للأهلي في بعض النقاط، لكن إحنا مش هنسكت عليها، ولا مرتضى منصور هيكست عليها، النهاردة لو حقوق رعاية الأهلي مليار، الزمالك لازم ياخد أكتر، وفي البث لازم الزمالك يأخد أكتر".
اقرأ أيضًا: «أخيرا الـ7 أكبر من الـ9 يا زمالك».. المحلة يؤكد أن الأهلي نادي القرن
واختتم ميدو تصريحاته: "الأيام أثبتت كدة، الزمالك أكتر نسب مشاهدة للمباريات، والجماهير بتحضرله في الملعب أكتر، ومش هنسمح يبقى رقم 2 تاني".
